• Ramirezen sektoreak jada bi epaitegiren abala jaso duen Biltzar Nazionalean parte hartzeari uko egin zion.
• Frogatu da Ramirezen akusazioak non kongresuaren eta hartutako erabakien legezkotasuna eta zilegitasuna zalantzan jartzen zituen, estatutu berriak eta Zuzendaritza Nazionalaren izendapena barne, faltsuak zirela.
Gasteizko Lehen Auzialdiko 3. zk.ko Epaitegiaren sententzia berri batek berretsi berri du Eusko Alkartasunaren 2022ko otsaileko Kongresua legezko berme guztiekin egin zela. Beraz, atzera bota du berriro Maiorga Ramirezen eta bere sektoreko beste hiru kideen salaketa. Agiri judizialak dioenez, “ezin da esan inolako oinarrizko eskubiderik urratu denik”.
Eusko Alkartasunaren zuzendaritzak adierazi du pozik dagoela kongresuaren antolakuntza-prozedura berrestearekin. “Gogoratu behar da Ramirezen sektoreak borondatez uko egin ziola Nazio Biltzar horretan parte hartzeari, eta kongresu horrek dagoeneko bi epaitegiren abala jaso duela”.
Eusko Alkartasunaren ustez, 2022ko otsailean egindako kongresuari eragiten dion bigarren epai honen bidez, “frogatuta geratu da Ramirezen akusazioak, kongresuaren eta hartutako erabakien zilegitasuna zalantzan jarriz, estatutu berriak eta Zuzendaritza Nazionalaren izendapena barne, guztiz faltsuak zirela”.
Alderditik ere azpimarratu dute “auto judizialak ez dituela inoiz ukatzen edo zalantzan jartzen Maiorga Ramírez, Iratxe López de Aberasturi, Miren Aranoa eta Mikel Goenagari egotzitako gertakari larriak”.
Azkenik azpimarratu behar da epaia ez dela irmoa eta bertan behera utzi duela aipatutakoen afiliazioa lau urtez eteteko zehapena, diziplina-espedientearen tramitazioan denbora eta forma-akatsak izan direla uste baitu.
