EA - Eusko Alkartasuna » Normalizazioa

“Amnistia aukera historikoa da 78ko erregimenak estatuko nazioekin burutako iruzur demokratikoa konpontzen hasteko”, defendatu du Idurre Bidegurenek

komunikazioa — Tue, 28 Nov 2023 17:30:28 +0000

Senatariak PPri eskatu dio behingoz utz dezala estaturik gabeko nazioen aurkako beligerantzia

EH Bilduren senatari eta Eusko Alkartasunako kide den Idurre Bidegurenek esan du Kataluniako prozesuan auzipetutakoen amnistia aukera historikoa dela, 78ko erregimenak estatuko nazioekin burutako iruzur demokratikoa konpontzen hasteko. Alde horretatik, Feijóoren PPri eskatu dio normaltasun politiko demokratikoa oztopatzeari uzteko eta Kataluniari eta estaturik gabeko gainontzeko nazioei buruz eztabaidatzen hastea, Euskal Herria barne, jakina. “Eztabaida serioa bermatzeko, ezinbestekoa da gatazkan murgilduta dauden guztiak egotea. Erbestean daudenak eta errepresio-prozedura judizialei lotuta daudenak ere”.

Euskal ordezkari autonomikoak, hain zuzen ere, popularren mozio bat baliatu du Senatuko Autonomia Erkidegoen Batzordean, ekimenari buelta emateko eta irmoki defendatzeko herrien aniztasuna eta berezitasuna errespetatzeak ez duela inolaz ere Estatuko herrien arteko berdintasunari erasotzen. “78ko erregimenak orain arte mahai gainean jarri digun café para todos baino, guk eskatzen dugun kafea elkarrekin hartzea proposatzen diogu, eta hori ez da inondik inora elkartasunaren aurkakoa”, aldarrikatu du.

Feijóoren negazionismoak argi erakusten du orain lurraldetasunaren eztabaida ateratzen duela komeni zaiolako, baina Bidegurenek adierazi du botere politiko guztiek dutela Kataluniako gatazka politikoaren kausak eta ondorioak konpontzeko erantzukizuna. Gatazka konpontzea “bere mozioak ez bezala”, zalantzarik gabe, Espainiako demokrazia eta nazioarteko ospea hobetuko lituzke. “Zergatik baztertzen dute orain Aznarrek eta Rajoyk gobernatu dutenean erabili duten aldebikotasuna? Zer arazo dute Kataluniako edo Euskal Herriko herritarrei ahotsa emateko beren proiektu nazionalaren erakargarritasunaz hain ziur badaude?”, galdetu die senatariak zuzenean popularrei.

Iraultza bakegilearen fantasia politikoa

komunikazioa — Fri, 22 Oct 2021 18:36:11 +0000

Eba Blanco de Anguloren artikulua

Alderdi guztiak, salbuespenik gabe, bete-betean inplikatzen dira Euskal Herriko bake-prozesuan;
Eskuin unionistatik hasi eta ezker independentistaraino, agintari gorenak buru, mahai inguruan eseri dira luzeegi pairatzen darabilgun gatazka armatu eta politikoari amaiera emateko moduaz hitz egiteko. “Ezin gara 2036ra iritsi zauri irekiekin. Ezin diogu beste belaunaldi bati ezarri guk bizitako sufrimendua eta liskarra. Edozertarako prest gaude bakearen alde; eskerrik asko gizarte zibilari egin beharreko bidea erakusteagatik eta begiak irekiarazteagatik”.
Irudikatzen ahal duzue halako adierazpenik? Ia fantasia politikoa da Bidasoaren alde honetan. Baina Iparralden gertatzen ari den egitatea da. Alderdi eta eragile politiko guztiak aho batekoak dira; errepublikanoetatik hasita, Modem, UDI, ezker osoa, ekologistak, eta jakina, abertzaleak, GUZTIEK, argi dute dute Bake Bidea ez dagoela bukatuta. Eta gogorarazten dute, halaber, Espainian eta Frantzian ohiko legea aplikatu behar dela; ohiko lege osoa, baina ohiko legea besterik ez, salbuespenik gabe. Salbuespenezko politika horien artean, jakina, espetxe-politika dago.
Hauexek izan ziren Etchegaray Lehendakariaren hitzak Aieteko Adierazpenaren urteurrenaren ondoren: “Parisen ez gaituzte entzun nahi. Euskal Herria ez al dago jada Frantzian? Arazoak konpontzeko orduan Frantzia existitzen ez bada, esan beharra dago. Presoena edo euskararena bezalako gaietan aurrera egin nahi dugunean, orduan frantziar estatua zailtasun handia bihurtzen da. Euskadi bere berezitasunak dituen lurraldea da; hobe du Frantziak horretaz jabetzea soluzioen bidean aurkitu nahi bagaitu”. Irudikatzen ahal duzue halako adierazpenik Urkullu lehendakariaren ahotan?

Max Brisson, Les Républicains-eko senataria Pirinio Atlantikoetako eskualdetik: “Presoen auzia konpondu behar da dagoeneko; jasanezina da igarotzen den minutu bakoitza. Justizia trantsizionaletik urrun gaude oraindik. Ikuspegi partekatua eraiki behar dugu, objektibotasunez, baina sufrimendu guztiak eta desadostasun guztiak geureganatuz. Gainditu beharreko bi oztopo ditugu: Estatuaren indiferentzia batetik, eta gure artean borrokatzeko dugun erraztasuna. Adostasuna gasolinaz balitu behar dugu; horrek jarriko bait gaitu martxan”. Irudikatzen ahal duzue halako adierazpenik Alberto Catalan senatariaren ahotan?

Irudimen ariketa hori zaila zaigu, baina egin beharra dago benetan Euskal Herria bakean ikusi nahi badugu; Giza Eskubideak urratu gabe eta salbuespenezko legerik gabe, politikak arazo sozialak konpontzeko eta eztabaida guztiak onartzeko balioko duen. Eta eztabaidetan, jakina, herri gisa dagokigun Autodeterminazio eskubidearen aitorpena demokratikoki emango den.

Irudimena hezurmamitzen joan dadin, emakume politikari belaunaldi berriei ere bide eman behar diogu. Emakumeak diot emakumeen falta sumatzen dudalako ETArik gabeko 10 urte hauen atzerabegiran. Kontua ez da ez garela egon, baizik eta berriz ere historiatik ezabatuak izan garela. Lerro hauetatik, nire aitortzarik zintzoena bidali nahi diet Rosa Rodero, Maixabel Lasa, María Jauregi, Dolores Gonzalez Katarain, Rosa Lluch… bezalako bakearen aldeko emakumeei; eta Ahotsak-en parte hartu zuten emakume guztiei, filosofia honen baitan ibiltzeagatik lanean: gatazkaren izaera politikoa onartzea, konponbidean emakumeen parte-hartzea aldarrikatzea, emakumeak ere gatazkaren parte diren heinean, eta konponbide politiko eta demokratikoaren beharra aldarrikatzea, bai eta euskal herritarren erabakitzeko eskubidea ere. Hau 2006an izan zen. 15 urtetan, zenbat giza enpatia eta ausardia politiko utzi dugun bidean!

Eta belaunaldi berria diot, zeren gurea, “bake modua on” jartzen saiatzen bagara ere, bada bere erosotasun espaziotik mugitzen tematzen denik. Bakea egiteko modua irauliko diguten gazteak behar ditugu; iraultza behar dugu orain arte eraikitzeko gai izan ez garenari beldur gabe eta eskuzabaltasunez ekiteko; egia, justizia, erreparazioa, eta noski, ez errepikatzea. Biktima guztiei zor diegu, isilean eta fokurik gabe lan egin dutenei, bakea gatazkaren zitalkeri guztien gainetik jartzen jakin dutenei… Eta “nik ez dut Euskadi Bakean ikusiko, baina zuk, alabatxo, ahal duzun guztia eman ezazu gerta dadin” esan dutenei. Horregatik guztiagatik, eta horiengatik guztiengatik, egin dezagun gure irudimenaz bakearen iraultza.

Eusko Ikaskuntzak autogobernuaren inguruan antolatutako topaketan parte hartu

komunikazioa — Mon, 04 Jun 2018 16:36:42 +0000

Eusko Legebiltzarrean eztabaidatzen ari den autogobernu ponentziaren inguruan iritziak biltzeko topaketak antolatu ditu Eusko Ikaskuntzak EAEko hiru hiriburuetan. Horren gai garrantzitsuan adostasunerako bideak aurkitzea da topaketen helburua.

Linkean larunbat goizean egingo diren topaken inguruko informazio gehiago aurkitu dezakezu. Zure iritzia eman eta parte hartzera animatu zaitez.

http://www.eusko-ikaskuntza.org/eu/gertakariak/elkarrekin-autogobernua-berritzen-herritarren-gunea/gd-219/

Eusko Ikaskuntzak autogobernuaren inguruan antolatutako topaketan parte hartu

komunikazioa — Mon, 04 Jun 2018 11:24:13 +0000

Egun Eusko Legebiltzarrean eztabaidatzen ari den autogobernu ponentziaren inguruan iritziak biltzeko topaketak antolatu ditu Eusko Ikaskuntzak EAEko hiru hiriburuetan. Horren gai garrantzitsuan adostasunerako bideak aurkitzea da topaketen helburua.

Linkean larunbat goizean egingo diren topaken inguruko informazio gehiago aurkitu dezakezu. Zure iritzia eman eta parte hartzera animatu zaitez.

http://www.eusko-ikaskuntza.org/eu/gertakariak/elkarrekin-autogobernua-berritzen-herritarren-gunea/gd-219/

Pello Urizar: “Auzitegi Nazionalak GALen biktimekiko hartutako erabakiak ez du Euskal Herriko normalizazio sozialaren bidean laguntzen”

Prentsa Gipuzkoa — Wed, 15 Jul 2015 11:34:25 +0000

Pello Urizar, EAko idazkari nagusiaren hitzetan, GALeko biktimei kalte ordainak ez emateko Auzitegi Nagusiak hartutako erabakiak “biktimak mailakatzeko AN duen interesa agerian uzten du”. Urizarrek biktima guztiei errespetu bera zor zaiela nabarmendu du, “zerbaitek berdintzen baditu biktima izateko borondate eza da”.

EAko idazkari nagusiak gisa honetako sententziek ez dutela “Euskal Herrian normalizazio soziala egon dadin laguntzen” azpimarratu du. “Aspaldidanik 1. eta 2. mailako biktimak sailkatzeko asmoa dago -Urizarren ustez-. Jakina da gainera, zoritxarrez, memoria historikoan oraindik biktimek ez dutela inongo errekonozimendurik”.

Era berean, Urizarrek salatu du inongo sententziarik egon gabe, eta ezta prozesu judizialik “biktima batzuk beste batzuk baino eskubide gutxiago” dituztela. Gainera “poliziaren txostenak aintzat hartuta” egindako sententziak ez du nahikoa sendotasunik: “Askotan ikusi dugu gainera, zoritxarrez, beste kasu batzuetan polizia txosten berdinek ze pisu gutxi izan duten beste instantzia judizial batzuetan”.

EAk Alta Lusacian ospatuko den ALEren asanbladan parte hartuko du

Prentsa EA — Thu, 16 Apr 2015 13:52:29 +0000

Euskal gatazkaren soluzioaren aldeko mozioa aurkeztuko du EAk

Una delegación de Eusko Alkartasuna asiste este fin de semana a la asamblea general de la Alianza Libre Europea que se celebra en Bautzen, capital de Alta Lusacia y en el que Eusko Alkartasuna presentará una moción en apoyo a la solución del conflicto vasco.

La delegación está compuesta por el secretario de Derechos Humanos y convivencia de EA y senador de Amaiur, Alberto Unamunzaga; la secretaria de Relaciones Internacionales y juntera de Bildu, Lorena López de la Calle; y la representante de Gazte Abertzaleak, Iria Epalza.

El viernes por la tarde, en la Asamblea General intervendrán representantes de SNP, ERC y también de Eusko Alkartasuna que detallará la situación política en Euskal Herria y presentará una moción en la que se insta a los mandatarios de la Unión Europea a que se involucren activamente en la resolución del conflicto vasco.

Finalmente, a lo largo de la asamblea, la delegación de EA se reunirá, entre otros con representantes del Parti Québécois y de Nagorno Karabach, “para intercambiar impresiones y experiencias en torno sobre los diferentes procesos soberanistas que se están produciendo”.

Eusko Alkartasuna participa en la Asamblea General de la ALE que se celebra en Alta Lusacia

Prentsa EA — Thu, 16 Apr 2015 13:46:51 +0000

EA presenta una moción para que Europa se involucre directamente en la resolución del conflicto vasco

Eusko Alkartasunak datorren larunbateko manifestaziora deitu du

Prentsa EA — Tue, 13 Jan 2015 12:50:48 +0000

Manifestazioa hasiko da arratsaldeko 17:00etan Donostiako Antiguako tuneletik

DerechosHumanosPazResolucion

Eusko Alkartasunak datorren larunbateko manifestazioara deitu du

Prentsa EA — Tue, 13 Jan 2015 12:45:55 +0000

Arratsaldeko 17:00etan Donostiako Antiguoko tuneletik

DerechosHumanosPaz Resolucion

Eusko Alkartasunak jarduera politikoa judizializatzeari uzteko eskatu dio Estatuari

Prentsa EA — Mon, 12 Jan 2015 11:09:37 +0000

“Euskal jendarteak etorkizunari begira aurrera egiten duen bitartean, Madrilek iragan beltzean ainguraturik eduki nahi gaitu”

Eusko Alkartasunak jarduera politikoa judizializatzeari uzteko exijitu dio espainiar Estatuari, gaur goizean Guardia Zibilak egindako atxiloketen harira. Eusko Alkartasunak salatu duenez, Estatua bere estrategiarekin tematuta dago, Euskal Herria iragan beltzean ainguraturik eduki nahian, euskal jendartea iragan hori gainditu eta denon artean etorkizun hobea eraikitzeari begira aurrera egiten ari den bitartean.

Eusko Alkartasunaren iritziz, gaurkoa bezalako operazioen bidez Madrilek bilatzen duen gauza bakarra gatazkaren konponbidea oztopatzea da, prozesu subirnanista eragozteko, eta berdin zaizkie horrek euskal gizartean izan ditzakeen ondorioak eta, are gutxiago, atxilotutako lagunengan eta euren senideengan dituenak.

Alderdi subiranistak ohartarazi duenez, Madrilen uste baldin badute modu horretan subiranismoa bere bidetik irtenaraziko dutela, oso oker daude. Horren ildotik, EAk demokrata guztiei dei egin die estrategia horrekiko desadostasuna adieraztera eta eremu eta alderdi guztietan estrategia hori gainditzeko lan egitera.