Nerea Gartziak, Nafarroako Eusko Alkartasunaren lurralde koordinatzaileak, salatu duenez, “onartezina da Guardia Zibilaren elkarte bati arrazoia ematea, Konstituzioaren 150. artikulua foru lurraldeen eskubide historikoak aitortzen dituen Lehen Xedapen Gehigarriaren aurretik jarriz”.

“Nafar gehienok etorkizunera begiratu nahi dugun bitartean, epaiak iraganera garamatza. NFEBHLOren garapenean aurrera egin beharrean, Nafarroako autogobernuan atzerapausoa da epai hau”, adierazi du Gartziak.

Lege organiko baten bidez trafikoaren eskumena berreskuratzeko aukerari dagokionez, Auzitegi Gorenaren epaiak iradokitzen duen bezala, Nafarroako EAko koordinatzaileak esan du “orain, Kongresuan gehiengo aurrerakoiarekin posible izango litzateke, baina ezin dugu beste ganbera baten osaeraren eta aritmetika parlamentarioaren mende egon, eta, beraz, trafikoaren eskumena eskubide historikotzat aitortzea aldarrikatzen dugu”.

Azkenik, Gartziak nabarmendu duenez, “gure Foruzaingoak gaitasun osoa du eskumena gauzatzeko, eta ez du Guardia Zibilaren tutoretzapean egon beharrik”. Ildo horretan, Eusko Alkartasunak Nafarroan trafikoaren eskumena berreskuratzeko ekimen eta kudeaketa instituzional guztiak babesten dituela adierazi du.

Eusko Alkartasunak Maria Chivite sozialistak buru duen koalizioko exekutibo berriari eskatu dio legegintzaldi berri honetan 40 urteko zonifikazioarekin bukatzea, euskara nafar guztiona dela aitortzea eta herrialde osoan hizkuntz eskubideak bermatzea.

Aurreko legealdi atzerakoiaren aurrean, eta Kontseiluaren arabera, euskararen alorrean inolako aurrerapenik gabe, hizkuntza-eskubideak bermatzea Nafarroako gobernu berriarentzat lehentasuna izan behar dela uste du EAk. “2020-2027ko Euskararen Bigarren Plan Estrategikoa ezin da inondik inora desadostasun bat izan, batez ere gobernukideen artean euskararen inguruan gaur egun dagoen akordioa oso eskasa delako”, azpimarratu dute.

Nerea Gartzia Eusko Alkartasunako Nafarroako koordinatzaileak adierazi duenez, “hizkuntza-eskubideak urratzen dituen gobernu batek ezin du bere burua progresistatzat hartu, hizkuntza-eskubideak giza-eskubideak dira eta Nafarroa osoan bermatu behar dira nafar guztientzat”.

Espainiako Gobernuak Europar Batasuneko Kontseiluari euskara hizkuntza ofizial gisa onartzeko eskaria egin du eta Espainiako Kongresuan diputatuek euskara erabiltzeko aukera izango dute. “Urrats hauek ikusita, ulertezina eta erabat lotsagarria litzateke Chiviterekin, Madrilen eta Bruselan posible dena Nafarroako erakunde guztietan posiblea ez izatea”, esan du Gartziak.

Mari Jose Mangado da Nafarroako hiriburuko Eusko Alkartasunaren koordinatzaile berria. Mangadoren hautagaitza atzo Gasteizen egindako Batzar Nazionalean onartu zen. Biltzar Nazionalak onartutako eta indarrean dauden alderdiaren estatutuek adierazten duten moduan, Batzar Nazionalari dagokio hautagai-zerrenda horiek onartzea ala ez. Aurretik gainerako hiriburuetako koordinazioekin egin zen bezala.

Era berean Batzar Nazionalak Berdintasun Batzordeko kideak aukeratu zituen. Jasone Giraldo, Iria Epalza eta Mikel Oribe batzorde hau osatuko dute. Bileran, besteak beste, udal eta foru, eta Nafarroako Parlamentuaren hauteskundeen balantzea egin zen, egungo egoera politikoaren kokapena eta aurreko ekitaldiko kontuak eta egungo aurrekontua onartu ziren.

Lurralde-batzar eratzaile hau Eusko Alkartasunaren Berme Batzordeak otsailaren 6an egindako Nafarroako Lurralde Batzarrean hartutako erabakiak baliogabetu zituelako egin behar izan da. Berme organoak adierazi zuenez, alderdiaren zuzendaritzak salatu zuen bezala, otsaileko batzarrean afiliatu talde batek alderdiaren araudiaren aurka altxatu zen, adin mahaia irregulartasunez osatu zuten, zilegitasunik gabeko batzarreko mahaia adostu zuten eta batzarraren gai zerrenda aldatu zuen.

Nerea Gartzia Nafarroako lurralde koordinatzailea pozik agertu da Lurralde Batzarra estatutuen legezkotasunera itzuli delako, eta estatutuak betetzeko deia egin dio lurraldeko afiliazio osoari. “Funtsezko urrats bat eman dugu, batzarra berriro ere legezkotasunaren barruan, estatutuen barruan, kokatu baitugu. Estatutu horiek dira, hain zuzen ere, gure bizikidetza-arauak, alderdiaren barne-demokrazia bermatzen dutenak”, adierazi du.

Eusko Alkartasunaren estatutuen arabera, “Lurralde Batzarra da alderdiaren jardueraren segimendu politikorako organoa” eta “lurralde-eremu horretako ordezkariena”. Zentzu horretan, Gartziak azpimarratu du lurralde batzarra dela “lurraldeko afiliazio osoak parte hartzeko, bere iritzia emateko eta erabakiak hartzeko lekua, indarrean dauden alderdiaren estatutuek esaten dutena betez”.

Nafarroako Eusko Alkartasunak PSNk Navarra Sumari bere botoak batu izana deitoratu du, Mañeru eremu euskaldunetik kanpo uzteko. Gogoratu behar da bertako Udalbatzak aho batez onartu zuela hizkuntza-estatusa eremu mistoan sartzea.

“Herriak berak eskatu du eremu mistoan egotea, baina PSNri bost auzokideek esaten dutena. Nahiago du eurei kasurik ez egin nafarrarroako eskuina pozteko. Nafarrek eskatzen dutena berdin bazaie, nortzuentzat gobernatzen dute orduan?” galdetu du Nerea Gartzia Eusko Alkartasunako nafar koordinatzaileak.

Gartziarentzat, “ez du zentzurik Mañeruri inguruko beste herriekin alderatuta estatus ezberdina ematea. Izan ere, eremu mistotik kanpo geratu den mankomunitateko udalerri bakarra da. Alegia erabat surrealista da afera. II. mendetik hona euskararen zantzuak daude inguruan, beraz Euskara ez da udal-mugartetik kanpokoa. Eskuinak eta PSNk ez gaituzte inoiz kontrakoan konbentzituko. Horretan ez litzateke ezta eztabaidarik egon behar ere”. Euskara “gaztelania bezain gurea” dela dio koordinatzaileak.

Zentzu horretan, “estatus aldaketa naturaltasun osoz onartu beharko litzateke, baina beste behin ere, Nafarroan badira garai ilunetara itzuli eta euskara arma politiko gisa erabili nahi dutenak. Nazkagarria da, eta PSNk horrelako planteamenduetatik berehala aldendu beharko luke eta sen onera etorri”, gaineratu du.

“Hartu beharreko neurriak har ditzan eraikuntza jasangarriaren arloko lidergoa ez galtzeko eta kontsumorik ia gabeko eraikinak ezartzeko, “energia positiboko” eraikinak ezarriz eta lehentasuna zaharberritzeari emanez, eraikuntzaren gainetik. Horrela izendatzen da gaur onartutako mozioa, eta honetan EH Bilduren eskutik emendakina aurkeztu dugu. Beroni bi hobetze aurkeztu dizkiogu, tramitazioa erraztu eta udaletara heltzea, horrela, hiritarrengandik gertuago egongo dira tramitazio hauek, eta gure ekarpena egin dezakegu etxebizitza eraginkorragoak izateko demokratikoki.

Horri dagokionez, eta Ramirezek EH Bilduren izenean aurkeztutako eta PSNk onartutako gehitzeko zuzenketa baten bidez, zehazten da Nafarroako Gobernuak, toki entitateekin lankidetzan, “ezohiko neurri ekonomikoak ezarriko ditu 2021-2023 aldirako Eraikinak eta Etxebizitzak Zaharberritzeko Plan Berezi bat sustatzeko. Plan horrek baliabide berriak izanen ditu, partikularrentzat zuzemenak arintzeko neurriak jasoko ditu eta etxebizitza-parkea –bereziki, alde zaharretakoa– zaharberritzeko asmo handiko helburuak ezarriko ditu”.

Gure planteamenduak onartuak izan dira baita ere Podemosek aurkeztutako mozioan, Nafarroako Gobernua premiatzen duen alokairuaren iraunkortasun-indizea gauzatu dadin. Ez da lehen aldia etxebizitza oinarrizko eskubide gisa defendatzen duguna Nafarroako parlamentuan. Zentzu honetan, etxebizitza publikoari gehienezko prezioa jartzea planteatzen dugu, eta hau zenbat eta arinen martxan jartzea.

Hori bai, azpimarratu du Ramirezek, neurri honek soilik ez du etxebizitza arazoa konponduko; beharrezkoa da etxe hutsen zentsoa, eta hauek zergapetzeko neurri fiskalak, adibidez.
Ezin delako egon etxe gabeko bizitzarik, ez eta etxebizitza hutsik.

Bere taldearen jarrera zehaztu du EH Bildu Nafarroako parlamentariak Navarra Sumaren interpelazio baten aurrean. Horrek egin duen planteamenduaren sinplismoa kritikatu du Ramirezek eta “Nafarroako errepideen egungo egoera eskuin, foral eta espainiarraren gobernuen utzikeriaren ondorioa dela” adierazi du.

Alor horretan eztabaida serioa egiteko eskatu du Ramirezek.
EH Bilduren ustez, mugikortasuna eskubidea da, eta errepideek “Nafarroaren kohesioan” jokatzen duen papera azpimarratu du, “baita despopulazioaren kontrako borrokan eta herrialdearen edozein puntutan bizi direnen bizi-kalitatearen bermatzeko ere”. Horregatik, “errepideen finantzazioak publikoa izan behar du eta nola finantzatuko den aztertu behar da”.

Gainera, Ramirezek esan du kontuan hartu behar direla zirkulazio-segurtasuna eta sistema publikoak bultzatu behar dituen garraio-eredu berrien garapena, jasangarritasuna bultzatuz eta kutsatzaileenak ekonomikoki zigortuz.

Bere taldearen jarrera zehaztu du EH Bildu Nafarroako parlamentariak Navarra Sumaren interpelazio baten aurrean. Horrek egin duen planteamenduaren sinplismoa kritikatu du Ramirezek eta “Nafarroako errepideen egungo egoera eskuin, foral eta espainiarraren gobernuen utzikeriaren ondorioa dela” adierazi du.

Alor horretan eztabaida serioa egiteko eskatu du Ramirezek.
EH Bilduren ustez, mugikortasuna eskubidea da, eta errepideek “Nafarroaren kohesioan” jokatzen duen papera azpimarratu du, “baita despopulazioaren kontrako borrokan eta herrialdearen edozein puntutan bizi direnen bizi-kalitatearen bermatzeko ere”. Horregatik, “errepideen finantzazioak publikoa izan behar du eta nola finantzatuko den aztertu behar da”.

Gainera, Ramirezek esan du kontuan hartu behar direla zirkulazio-segurtasuna eta sistema publikoak bultzatu behar dituen garraio-eredu berrien garapena, jasangarritasuna bultzatuz eta kutsatzaileenak ekonomikoki zigortuz.