Arabako Probintzia Auzitegiko 1. sekzioak auto bat igorri du Maiorga Ramirezen alegazioa ezesteko (Gasteizko lehen instantziako 7. epaitegiaren aurreko autoari, non primarioen eskaera artxibatzen zen) eta, beraz, arrazoia eman dio Eusko Alkartasunari. Alderdiak ez du hauteskunde primarioetarako deialdirik egin beharko, bide arruntetik ezin baita inolako errekurtsorik aurkeztu. Beraz, Eba Blanco de Angulo idazkari nagusia buru duen Eusko Alkartasunako zuzendaritzak, barne demokrazia eta legea betez jardun du.

Probintzia-auzitegiko hiru epailek emandako autoaren oinarri juridikoak ahobatezkoak eta erabat irmoak dira, argitzen baitute 2022ko otsaileko eta azaroko ohiko eta ezohiko kongresuetan –horiek ere berme demokratiko guztiekin egin ziren, epai irmo banatan jasotzen den bezala, non ez dagoen primariorik– alderdiaren estatutuak onartuz, nazio zuzendaritzak zorrotz bete duela legezkotasuna. Auzitegiak gaineratzen du: “ezin dugu bat egin apelatzaileak erabiltzen dituen argudioekin, ez epaian agindutakoa ez betetzeari, ez eta ustez eragin omen zaizkion kalteak ordaintzeko eskatzen duen ordezko kalte-ordainari dagokionez ere, kalte horiek ere ez ditugu inondik inora ikusten”. Eta ondorio hau ateratzen du: “epaian xedatutakoa bete da, eta, beraz, bete-betean bete da betearazlearen eskaera”.

Eba Blanco de Angulo idazkari nagusiak prentsaurrekoan eman du autoaren balorazioa egiteko. “Sei urte baino gehiago daramatzagu Maiorga Ramirezen sektorearen salaketa zibil eta penalei, erasoei, jazarpenari eta irain publiko eta pribatuei aurre egiten. Delitu oso larriak leporatu dizkigute eta behin eta berriz, epaitegiek arrazoia eman digute. Azken auto honekin, justiziak behin betiko berresten du urte hauetan guztietan, beti bete dugula alderdiaren barne demokrazia eta legea”. Agintariak ardurak haratago zabaldu ditu. “Denbora honetan, hedabide batzuek, Eusko Alkartasuna eta EH Bildu higatzeko asmoz, Ramirezen sektorearen alde egin dute, kazetaritzaren arau deontologikorik funtsezkoena bete gabe, hau da, gertakarien beste bertsioa eskatu gabe”.

Blancoren ustez, auzia ez zen inoiz epaitegietara eraman behar. “Afiliatu guztien eskubideak bermatzen dituzten barne organoak ditugu, baina botoa emanez irabazi ezin izan duena epaitegietan irabazten saiatu da Ramirez denbora tarte oso honetan”. Azaldu duenez, “Eusko Alkartasunari eta bere oinarri soziala osatzen dugun pertsona askori eragin dioten kaltea eta paralisia izugarria eta zenbatezina da. Sei urte baino gehiago eman ditugu energia eta baliabideak alderdia eta afiliatu guztien eskubideak defendatzeko. Ramirezen sektorea inoiz hasi behar ez zuen auzi judizialetan denbora galarazteaz arduratu da, horrela alderdiari ekintza politikoan aritzea galaraziz”. Eta jarraian galdetu du: “Epaitegiek gauza guztietan arrazoia eman digutenez, Maiorga Ramirezen sektoreko norbaitek barkamena eskatuko du? Ramirezen alde egin zuten hedabideek, hanka sartu zutela aitortuko dute?”.

Gainera, idazkari nagusiak iragarri du ez duela karguan jarraituko aurten egin behar den ohiko kongresutik aurrera. “Pozik noa jakitearekin akatsak egin ditugun arren, funtsean, gauzak ondo egin ditugula, eta alderdia zama askotatik libre uzten dugula, baita alde judizialetatik ere. Eusko Alkartasuna momentu gozoan dago eta pozten naiz etorkizuneko zuzendaritzak horretaz baliatu ahal izateaz gure altxorrik handienari, gure afiliazio eta printzipioei, etekin handiena ateratzeko”. Ondorengotzari dagokionez, “zuzentzen dudan nazio zuzendaritzaren azken erantzukizuna oinordetza lasaia erraztea dela, Eusko Alkartasunaren balore politiko eta humanoen garapena bermatuko duena. Izan ere, Alkartasuna elkartasuna da, eta balio horiekiko guztiekiko leialtasuna ere izan behar du”. itxi du Blancok.

Gasteizko Lehen Auzialdiko 3.zk. ko Epaitegiak erabat ezetsi du Eusko Alkartasunako zenbait afiliatuk 2022ko azaroaren 19an eta 20an egindako Ezohiko Kongresuaren deialdiaren aurka aurkeztutako eskea. Epailearen arabera, Zuzendaritza Nazionalak deialdia zuzen egin zuen eta ez zituzten inondik inora auzi-jartzaileen parte hartzeko eta informazioa jasotzeko oinarrizko eskubideak urratu. Izan ere, kostuak ordaindu beharko dituzte.

Demandatzaileek aurkeztutako dokumentazioari dagokionez, epaileak uste du “agiri aldebakarrekoak direla, salatutako egitateen errealitatea egiaztatzeko nahikoak ez direnak”. Era berean, adierazi du demandatzaileek beren eskaeran “Ezohiko Batzar Nazionalaren ezjakintasuna” alegatu bazuten ere, “jasota” ez dagoela, demandatzaileetako bi “Batzarrera joan baitziren”.

Bestetik, epaiak dioenez, zuzendaritzatik “ez zen hautsi eskatzaileen informazio-eskubidea”, demandatzaileek eskatzen zuten informazioak “urratu egiten baitzuen Datu Pertsonalak Babesteko Legea”.

Gogoratu beharra dago aurretik, 2022ko otsaileko Ohiko Kongresuari buruzko iritzia eman zutela epaitegiek, bi epaitegi ezberdinen oniritzia jasoz. Epaileak erabaki berri honekin berretsi egin du Eba Blancoren zuzendaritza eta bide batez indarrean dauden estatutuen arabera, alderdian primariorik ez daudela.

Eusko Alkartasunak bat egin du Sare Herritarrak larunbatean, urtarrilak 13, Bilbon deitutako Konponbiderako Giltzak manifestazioarekin.

Euskal Herriko beste ehunka eragile soziopolitikorekin batera, bat egin du Bizkaiko hiriburuan publikoki salatzeko salbuespen-legeak dauden bitartean oraindik ateak itxita daudela euskal presoen eskubideei dagokienez.

Gizarteak zenbat eta giltza gehiago izan, orduan eta gehiago itxiko dira zauri mingarriak, eta horrekin batera, aukera berriak irekiko dira benetako bakea eta gure herrian hainbeste nahi eta behar den normalizazioa betiko lortzeko.

Eusko Alkartasunak euskararen aurkako kanpaina judiziala berehala amaitzeko eskatu du. Hiru hilabetean hizkuntza-arloko politika publikoen aurka emandako bigarren epaia ezagutu berri ondoren, alderdiak oso larritzat jotzen du egoera. Era berean VOXen salaketa kontuan hartzen duen erabakiaren aurrean Eusko Jaurlaritzak iragarritako errekurtsoa babesten du.

Iban Asenjo Euskara, Hezkuntza eta Kulturako idazkaria ziur dago ez gaudela kasualitateen edo gertaera bakartuen aurrean. “Kalean lortu ezin dutena epaiaren bidez jasotzeko plana da, euskara baztertzeko eta gure hizkuntzaren aldeko urratsak ez emateko helburuarekin hain zuzen ere. Nolanahi ere, euskara da gure hizkuntza, bertakoa eta egoera diglosikoan dagoen hizkuntza, eta euskal gizarteak gogotsu adierazi du euskaraz ere bizi nahi duela eta horretarako eskubide osoa dugula”, adierazi du.

Alde horretatik, Asenjok azpimarratu du euskararen sustapenari eta normalizazioari egindako eraso hauek pertsonen oinarrizko eskubideak erasotzen dituztela, eta “hizkuntza-politika berri hauek, mugatuak izan arren, garatzen dutela euskal hiztunen autonomia eta berau mugatu nahi dutela, badakitelako aurrerapausoak eman ditzaketelako euskararen alde eta espainiar nazionalismo zaharkitua arriskuan ikusten dutelako”. EAko Euskara idazkariarentzat, “onartezina da, orain dela gutxi ezagutu dugun epai berri honen kasuan, Espainiako ultra eskuinaren fobien mesedetara udal autonomia erasotzea”.

Ildo horretatik, jakinarazi du Eusko Alkartasuna datorren azaroaren 4an Bilbon Kontseiluak deitutako manifestazioan egongo dela, euskaraz bizitzeko eskubidea eta euskararen aurkako eraso judiziala bertan behera uzteko aldarrikatzeko. Gainera, ideologia edozein dela ere, euskal herritar guztiak animatu ditu deialdia babestera.

• Eba Blancoren jarrera berresten du EAko idazkaritza nagusiaren buru gisa

Lehen auzialdiko Gasteizko 3. epaitegiak erabat ezetsi du Maiorga Ramirezen gertukoek 2022ko otsailaren 19an eta 20an egindako Eusko Alkartasunaren XIII. Ohiko Biltzar Nazionalean hartutako erabakien aurka jarritako demanda. Epai horrek baliozkotzat jotzen ditu bilera horretan egindako bozketa guztiak, Eba Blanco buru den Zuzendaritza-batzorde Nazionalaren legezkotasuna eta zilegitasuna berretsiz, baita estatutu berriak eta han onartutako ponentzia politikoa ere. Honekin batera auzi-jartzaileak kostuak ordaintzera kondenatzen ditu.

Eusko Alkartasunako Zuzendaritza-batzorde Nazionalak positiboki baloratu du ebazpen judiziala. “Egiari zor, hau zen eman zitekeen erabaki bakarra”, adierazi du. Eba Blanco alderdiaren Idazkari Nagusiak esan duenez, “epai honen bidez lurrera erori da batzuek Eusko Alkartasunaren organo legitimoen aurkako jazarpena, ospe-galtzea eta difamazio-estrategia justifikatzeko gezurrekin eraikitako tramankulua”.

Epaiak berretsi egin du Eba Blancoren jarrera Eusko Alkartasunako Idazkaritza Nagusiaren buruan eta Ramirezen gertukoek bere zilegitasunari buruz sortzen zituzten zalantzak erabat argitzeko balio du. Ildo horretatik Blancok gehitu du epaia “inflexio-puntua dela”, eta “orain batzuei dagokiela ebazpena bere gain hartzea eta alderdiaren organo legitimoen akordioak demokratikoki onartzea”.

• Eba Blancoren jarrera berresten du EAko idazkaritza nagusiaren buru gisa

Lehen auzialdiko Gasteizko 3. epaitegiak erabat ezetsi du Maiorga Ramirezen gertukoek 2022ko otsailaren 19an eta 20an egindako Eusko Alkartasunaren XIII. Ohiko Biltzar Nazionalean hartutako erabakien aurka jarritako demanda. Epai horrek baliozkotzat jotzen ditu bilera horretan egindako bozketa guztiak, Eba Blanco buru den Zuzendaritza-batzorde Nazionalaren legezkotasuna eta zilegitasuna berretsiz, baita estatutu berriak eta han onartutako ponentzia politikoa ere. Honekin batera auzi-jartzaileak kostuak ordaintzera kondenatzen ditu.

Eusko Alkartasunako Zuzendaritza-batzorde Nazionalak positiboki baloratu du ebazpen judiziala. “Egiari zor, hau zen eman zitekeen erabaki bakarra”, adierazi du. Eba Blanco alderdiaren Idazkari Nagusiak esan duenez, “epai honen bidez lurrera erori da batzuek Eusko Alkartasunaren organo legitimoen aurkako jazarpena, ospe-galtzea eta difamazio-estrategia justifikatzeko gezurrekin eraikitako tramankulua”.

Epaiak berretsi egin du Eba Blancoren jarrera Eusko Alkartasunako Idazkaritza Nagusiaren buruan eta Ramirezen gertukoek bere zilegitasunari buruz sortzen zituzten zalantzak erabat argitzeko balio du. Ildo horretatik Blancok gehitu du epaia “inflexio-puntua dela”, eta “orain batzuei dagokiela ebazpena bere gain hartzea eta alderdiaren organo legitimoen akordioak demokratikoki onartzea”.

Eusko Alkartasuna aurten ere Sarek Herritarrak antolatutako manifestaziorekin bat egiten du, euskal presoak urruntzeko politikak buka ditzaten ozen eskatzeko. Bizikidetza osoa izan dadin, ezinbestekoa da, halaber, Espainiako Gobernuak sakabanaketarekin amaitzea eta pertsona horien giza eskubideak errespetatzea. Haien urraketa senideei ere eragiten dien zigor berezia da. Alderdiko arduradun nagusiek, Eba Blanco idazkari nagusia buru dutela, bertaratuko direla baieztatu dute jada.

Bi urte geroago, Eusko Alkartasunak Etxera Bidea Gertu izeneko deialdiarekin bat egiten du La Casillatik Zabalburura, euskal gizartearen gehiengoak baztertzen dituen espetxe-politika bereziak salatzeko.

Txosten horiek orain bi aste irten ziren, eta euskal hedabideetan zein gizarteko eragile ezberdinetan oihartzun zabala izanagatik ere, espainiar alderdi politikoek ez dute horren inguruan ikertu nahi. Kongresuan atzera bota ziguten GAL, Felipe Gonzalez eta Estatu Terrorismoa lotzen zituen ikerketa batzordea egiteko eskaria. Eusko Alkartasuna, ordea, eta euskal gizartea oro har biktima guztiek merezi duten EGIA, AITORTZA eta ERREPARAZIOA lortzeko tematuta gaude, eta Kongresuan PSOEk itxi diguna, Senatuan irekitzen saiatuko gara.

Baina Estatu Terrorismoa ez da erakundeetan ikertu beharreko gai bat soilik. Elkarbizitza sendoa eraiki nahi badugu, espainiar gizarteak ere jakin behar du zer nolako gobernuak izan dituen, eta bere iragana berrikusi behar du, etorkizuna bakean eta demokrazian eraiki nahi badu. Podemoseko bozeramaileak esan zuen Kongresuan “todo el mundo sabe lo que pasó” GALen kontuarekin. Hori, tamalez ez da horrela. Eta informazio hori etxe guztietara heltzeko erreminta baliagarria, Telebista eta Irrati publikoa dira, kasu honetan RTVE.

Horregatik, Idurre Bideguren Gabantxo gure senatariak, honako galdera luzatu dio RTVEko zuzendari Rosa Maria Mateori:

Egunon, buenos días, Señora Mateo.
Hace dos semanas, salieron a la luz unos informes desclasificados de la CIA que apuntaban al expresidente Felipe González y sus gobiernos como creadores y organizadores de los GAL. En Euskal Herria numerosos medios se hicieron eco de estas informaciones, no así los grandes medios del estado. Tampoco RTVE.
Entendemos que una radiotelevisión pública debe de guiarse por el deber de información sobre los temas relevantes para su ciudadanía, y creemos que este lo es.
Por eso le quiero preguntar, si considera que los vínculos de un expresidente con el GAL no son merecedores de cobertura por parte del ente que usted preside.
Muchas gracias.

Señora Mateo, sabe usted perfectamente que los GAL tuvieron y tienen un impacto enorme en la sociedad vasca y también en la sociedad española. Porque es un capítulo negro de la historia del estado español, que aún sigue en la sombra, en la impunidad.

Existen muchas víctimas en este estado; muy diferentes entre ellas, las del franquismo, las de ETA, las del GAL o las víctimas de la tortura. Pero a todas ellas les asisten los mismos derechos: el derecho a la verdad, a la justicia y a la reparación.

Y para ello, es necesario saber, investigar, y asumir responsabilidades. Es necesario aportar luz y reparar el daño causado para construir una convivencia duradera y justa.
Es importante dar visibilidad a los hechos que tanto sufrimiento generaron, y que, ocultándolos, no hacen sino aumentarlo. Hay muchísimas personas que siguen sintiéndose abandonadas.

Un ente público como es RTVE tiene la capacidad de generar opinión, de llevar la información a millones de personas, y por tanto, puede y debe tener un papel importante a la hora de construir la convivencia democrática a la que aspiramos.

Un ente público como el que usted dirige tiene la capacidad de aportar luz a las sombras, de ofrecer a la ciudadanía una visión amplia y no sesgada de lo que ocurrió con los GAL, para que sea la propia ciudadanía la que pueda contar con el relato entero, y juzgar por sí misma. Creemos que ese también es el deber de una radiotelevisión pública, y esperamos que lo comparta.

Le pedimos que sea un instrumento que ayude a avanzar en el objetivo de alcanzar una memoria democrática e histórica inclusiva para todas las personas que aún siguen esperando verdad, justicia y reparación.

Un instrumento para que la ciudadanía pueda conocer todo el relato, todos los puntos de vista y que nadie pueda reescribir la historia sin contar toda la verdad.

Muchas gracias. Eskerrik asko.

Igande honetan, orain 43 urte, agintari frankistek 5 pertsona hil zituzten tiroz, eta ehundaka zauritu, langileen eskubideen defentsa egin zutelako.

Gaur, autoritarismoaren eta faxismoaren aurkako borroka horri tinko eutsi behar diogu, gure eskubideak eta gure askatasuna jokoan baitaude.

Hau da Kontxi Gabantxok eskaini zizkien berbak itsas gudariei, eta egungo gudarioi ere;

Egunon, gaur hona hurreratu zarien guztioi.

Beste urte bat gehiago gure itxas gudariak gogoratzeko alkartu gara Nestorrek eginiko eraikuntza honen aurrean. Martxoaren 5ean, Matxitxakoko lur mutur honetan gertatu zana gogoratzen dogu. Orain dala 82urte gertatu zan. Gure itxasgudariak euren bizia emon eben gure herriaren alde.

Gure itxas-gudariak Baionatik Bilbora etozan Galdames ontzia babesten. Gipuzkoa, Bizkaia eta Nabarra Euzkadiko gudaontziak. “bouak” arraintzarako ibilten ziran itxasontziak horretarako prestaturikoak izan ziran.

Matxitxakoko lurmutur ingurura heldu ziranean, Canarias ontziagaz topo egin eben eta Nabarra hondoratu egin eben. 52gizon joiazan eta 18, bizirik gelditu ziran. Beste itsasontziak Bilboko portura sartzea lortu ebien nahiz eta eurak ere erasoak jaso.

Anetota moduan esaten dabe, Bou Nabarrako gudariak, bizirik harrapatu ebezanei, heriotz zigorra eskatu eutsela, eta Canariaseko comandanteak euren alde egin ebala. Euki daben tresnak ikusita zelan borrokatu eben ikusita ez dabela heriotzarik merezi eta.

Gaur, guri, beste era batera, gure herriaren alde lan egitea tokatzen jaku. Guk gaur, berbea edo hitza baino ez dogu erabili behar gure izatea aldarrikatzeko. Inoiz baino lan gehiago daukagu gure Euskalerriaren alde lan egiteko.

• Herri aske bat izatea gura dogu! Zertarako? geure Euskaleherria doguna, geuk antolatzeko, hobeto bizitzeko eta arazoei urtenbide arinagoa eta hobea emoteko..

• Denporeak adierazi izan deusku, gure herriko arazoak konpontzeko herri mina, sentimendua, lana eta besteekaz arduratzea direla, herri bat aurrera ataratzeko beharrezkoak diran ehunak edo tresnak.

• Inoiz baino gehigo alkar ulertu behar gara, estatus politiko barria ardatz harturik lan egin behar dogu. Herri aske,euskaldun eta garatu bat gura badogu, danok jarri beharko dogu gure aletxoa, bestela ez dago herri hau aurrera atarako dauanik.

• Gure gizartean gero ta arazo gehiago dago: Batzuk lanik eza, beste batzuk lana euki arren, hilea ezin bukatu edo zorrak egiten, adinekoak euren pentsio duinak eskatzen, emakumeak bardintasuna aldarrikatzen…

• Gure hizkuntza gero ta gehiagok ikasi arren, gero ta gitxiago gara euskeraz bizi gura dogunok. Bere hizkuntza galtzen dauan herriak, ez dauka parkamenik.

Gaur berton gogoratu daukeguz Gasteizko martxoaren 3ko sarraskia:

1976ko martxoaren 3an Gasteizen greba orokor batean Espainiako Polizia Armatuak egindako sarraskia ere gogoratzen dogu.

Eleiza barruan batzarra egiten egozala milaka langileei gas negar-eragileak jaurti eutsezan poliziek, indarrez aterarazteko; eta, elizaren ate bakarretik irteten zirenean erasotuak izan ziran. Bi mila tiro baino gehiago egin ebazan poliziek. Bost lagun hil zituzten, eta 150 zauritu.Eta ondino, justizia eskatzen jarraitu behar dogu.

Gaurko egun honetan, gogoratu gaitezan guztiok, gure itxas-gudariak zelan borrokatu ebien gure herriaren alde. Gasteizko langileek zelan borrokatu eurien gure eskubideen alde. Garai harek, ez ziran errezak, baina euren bizia emoteraino heldu ziran. Eta orain geuri tokatzen jaku herri honen alde borrokatzea.

219ko itsasgudari eguna, martxoak 3

Auzitegi Gorenak Europar Batasunean betetako kartzela zigorrak kontutan ez hartzeko erabakiak Euskal Herrian bakea eta normalizazioa oztopatzeko Estatuak tresna guztiak erabiltzen dituela esan nahi du Eusko Alkartasunak salatu duenez.

Alderdiaren ustez, Estatua izugarrizko ardura faltarekin jokatzen ari da eta, batez ere, behin betiko bake osoa eta elkarbizitza prozesua eraikitzeko beharrezkoa den giroa lortzeko euskal gizarteak duen nahiaren kontra. Tamalez, konbentzimenduz edo hauteskundeei begira egoteagatik, Estatuan ez dago horren kontra hitz egiteko gai den ahots ausartik.

2015. urtea aurrekoaren bide berdinetik hasi da, Eusko Alkartasunak nabarmendu duenez, eta Estatuak huts egin duen bidean jarraitzen du, zigorraren alde eginda eta elkarrizketa eta herri honen borondatearen errespetua alboratuz.