Eba Blanco de Angulo Eusko Alkartasunako idazkari nagusiak Irailaren 21ean Laguardian Gure Nortasuna lelopean ospatutako Alkartasun Egunean, hau da, gure alderdiaren jaian, egindako adierazpenen gai nagusia estatus politiko berria izan da.

Blancok estatus politiko berriaren egutegia aurreratzeko eskatu dio zuzenean lehendakariari. “Ostegunean Politika Orokorreko Osoko Bilkuran proposatu zuen estatus politiko berriaren egutegia berandu doa. Ezin dugu 2026ko ekainean alderdien balantzekin egon. Hauteskundeak aurreratu gabe, 2027 da gure epemuga. 2027tik aurrera ezinezkoa izango da eta beste aukera leiho historiko bat galduko genuke”, ohartarazi du. 2026ko ekainerako mahai gainean egon behar du gutxieneko akordio bat alderdi demokratikoen artean, estatus politiko berri baterako. “Lehendakariak EAEko arduradun politiko nagusi gisa gidatu behar duen prozesua denez, lidergoa eskatzen diogu estatus berriaren bide-orria aurreratzeko. Bide honetan aurrera egiteko gure baldintzarik gabeko kolaborazio osoa du”.

Idazkari nagusiak euskal agendaren erdigunean kokatu du estatus berria, egungo marko politikoa atzean utzita. Gernikako Estatutuaren eskumenak erabat betetzea eskatu du, Estatuak 46 urte bete ez dituelako. “Baina, hain zuzen ere, bete gabeko 46 urte horiengatik, Gernikako Estatutuak jada ez du balio euskal herritarron eskaera sozial eta politikoak asetzeko. Herri hau asko aldatu da 1979az geroztik, eta Estatuarekiko egungo harreman ereduak, porrot egindako sistema, ez dituelako batez ere gure eguneroko arazoak konpontzen, etxebizitza duin baterako sarbide unibertsala, adibidez. Hortaz ez digu ezertarako balio. Gainera, Ayuso eta Abascalen eskuin muturrak Espainia gobernatzeko aukera errealak ditu eta gure autogobernua arriskuan dago”. Blancoren hitzetan, “Estatuak plurinazionaltasuna onartzeko unea da. Euskal Herria bezalako estaturik gabeko nazioak, Eskuin muturraren aurrean euste harresirik onena gara”.

Galder Agudo Bezi Gazte Abertzaleakeko idazkari nagusiak gazteriaren arazoetara eraman du arreta. “Euskal Herriko gazteriak arazo larriak ditugu, hala nola, etxebizitza duina eskuratzea, lan prekarietatea eta osasun mentala, eta horiek kronifikatu egin dira, gobernatzen gaituzten alderdiak ez direlako gai guri konponbideak emateko”, adierazi du bere diskurtsoan. Agudoren hitzetan, estatus politiko berri bat ezinbestekoa da, “subiranotasuna Madriletik eta Parisetik pasa behar izan gabe Bidasoaren bi aldeetan langileok lan eskubide berdinak izatea erabaki ahal izatea da. Subiranotasuna gure eguneroko bizitzaren kostura egokituko den lanbide arteko gutxieneko soldata bat hemendik ezarri ahal izatea da. Burujabetza ongizatea da, eta Espainiako eta Frantziako estatuen menpe gauden bitartean ez da modurik izango euskal herritar guztiontzat bizitza duin eta justu bat bermatzeko”.

Alkartasun Egunaren ekitaldi nagusia Arabako Errioxan pertsona erreferentzialekin egindako solasaldia izan da. Berrogei minutuz aritu dira hizketan mahastizaintza eta ardogintza sektoreaz eta olioaz, eskualdeko zerbitzu publikoen egoeraz, hezkuntza eskaintzaz eta euskararen presentziaz, kulturaz eta inguruko euskal nortasunaren ezaugarriez. Mahai-ingurua bukatuta, eskualdeko abertzaleen nortasuna eta balioak ordezkatzen dituzten bi pertsona omendu dituzte. Hain zuen ere Teodoro Martinez de Cañas, 1977ko uztailaren 25ean ikurrina lehen aldiz altxatu zuen Lezako alkatea eta Loli Sarasua Ruiz de Gallo, Lezako alkatea ere bi legegintzalditan eta B ereduaren aitzindarietako bat Laguardian. Kultur jarduera gisa, Zintzo upategira bisita gidatua ere antolatu dute. Alderdiaren egunean ohiko herri bazkaria ere izan da. Gainera, EH Bildu, ERC, Compromis, Mes per Mallorca, Mes per Menorca eta Estau Aragoneseko ordezkaritzak Laguardian izan dira.

Eusko Alkartasuna zabalki ordezkatua egongo da Biltzarrean; Pello Urizar Idazkari Nagusia eta Lorena Lopez de Lacalle Nazioarteko idazkari eta egun, ALEko idazkari nagusia bertaratuko dira. Iria Epalzak alderdien fundazioen bileran parte hartuko du, eta aukeratu berri den Gazte Abertzaleakeko idazkari nagusi Andoni Iriondo ALEko gazte erakundeen bileran parte hartuko du, Adrian Fuentes kidearekin batera.

Altsasuko gurasoak ere birtualki presente izango dira Biltzarrean. Ostiralean, Pello Urizarrek Altsasuko auziaren inguruko mozioa aurkezteaz gain, Altsasuko gurasoek helarazi duten mezua ikusi ahal izango da bideo baten bidez. Mozioak argi eskatzen du gazteak libre uztea, eta halaber, Europar Batasunari eskatzen dio EBko ituneko 7. artikulua indarrean jartzea espainiar estatuaren aurka, sortze-balioak behin eta berriz urratzeagatik, Polonia eta Hungariarekin egin izan duten bezala.

Europar hauteskundeak

ALEko biltzarra maiatzeko europar hauteskundeak markatua dator, eta ALEko kanpaina plazaratzeaz gaindi, Aliantza osatzen duten alderdien kanpainak ere aurkeztuko dira, Orain Errepublikak kasu. Izan ere, Eusko Alkartasunarekin batera, Esquerra eta Bloque Nacionalista Galego ere ALEko kide baitira. Oriol Junquerasek –hautagaitzako zerrendaburua eta egunotan epaitua izaten ari dena- protagonismoa hartuko du aurkezpenean; Europar Batzordeko presidente izateko izendatua izango baita SpitzenKandidat deituriko figurarekin.

Lorena López de Lacallek azaldu du ultraeskuinaren aurkako borroka eta hauteskundeen prestaketa izango direla bilerako ardatz nagusiak. Building a Europe FOR ALL peoples, Construyendo la Europa PARA TODAS las personas, Pertsona GUZTIENTZAKO Europa eraikitzen, izango da lelo amankomuna.

Eusko Alkartasuna zabalki ordezkatua egongo da Biltzarrean; Pello Urizar Idazkari Nagusia eta Lorena Lopez de Lacalle Nazioarteko idazkari eta egun, ALEko idazkari nagusia bertaratuko dira. Iria Epalzak alderdien fundazioen bileran parte hartuko du, eta aukeratu berri den Gazte Abertzaleakeko idazkari nagusi Andoni Iriondo ALEko gazte erakundeen bileran parte hartuko du, Adrian Fuentes kidearekin batera.

Altsasuko gurasoak ere birtualki presente izango dira Biltzarrean. Ostiralean, Pello Urizarrek Altsasuko auziaren inguruko mozioa aurkezteaz gain, Altsasuko gurasoek helarazi duten mezua ikusi ahal izango da bideo baten bidez. Mozioak argi eskatzen du gazteak libre uztea, eta halaber, Europar Batasunari eskatzen dio EBko ituneko 7. artikulua indarrean jartzea espainiar estatuaren aurka, sortze-balioak behin eta berriz urratzeagatik, Polonia eta Hungariarekin egin izan duten bezala.

Europar hauteskundeak

ALEko biltzarra maiatzeko europar hauteskundeak markatua dator, eta ALEko kanpaina plazaratzeaz gaindi, Aliantza osatzen duten alderdien kanpainak ere aurkeztuko dira, Orain Errepublikak kasu. Izan ere, Eusko Alkartasunarekin batera, Esquerra eta Bloque Nacionalista Galego ere ALEko kide baitira. Oriol Junquerasek –hautagaitzako zerrendaburua eta egunotan epaitua izaten ari dena- protagonismoa hartuko du aurkezpenean; Europar Batzordeko presidente izateko izendatua izango baita SpitzenKandidat deituriko figurarekin.

Lorena López de Lacallek azaldu du ultraeskuinaren aurkako borroka eta hauteskundeen prestaketa izango direla bilerako ardatz nagusiak. Building a Europe FOR ALL peoples, Construyendo la Europa PARA TODAS las personas, Pertsona GUZTIENTZAKO Europa eraikitzen, izango da lelo amankomuna.

Haritz Pérez izendatu dute Gazte Abertzaleak-eko iddazkari nagusi Eusko Alkartasunako gazte taldeak Bidarrain egin duen Biltzar Nagusian. Mikel Arreseigor izango da Antolakuntza idazkaria.

Jatorria: Eusko Alkartasuna

Maider Carrere, Gazte Abertzaleak-eko idazkari nagusia eta beste kide batzuk lagundu ditu gaur Pello Urizarrek bere Biltzarraren aurkezpenean. Biltzarra datozen hiru egunetan egingo dute Bidarrain. Harri Zulaika legebiltzarkidea ere egon da aurkezpenean.

Pello Urizar:

Mila esker gaurko deialdiari erantzuteagatik.

Gazte Abertzaleak-en Biltzarraren aurkezpenak gaurkotasun politikoa etorkizunera begira aztertzeko aukera ematen digu, horixe baita Eusko Alkartasunako gazteek datozen egunotan egingo dutena.

Lana, enplegua edo eta lan merkatua dira gazteen kezkarik handienetakoaren esanmolde desberdinak eta atzo ikusi genituen datuen arabera normala da langabeziak eragin handia duelako gazteen kolektiboan, eta ez bakarrik langabeziak baita ere Troikaren aginduz ezarri diren lan baldintzak ere. Guzti horrek bere etorkizuna baldintzatuko du, bizitza proiektua garatzea ezinezkoa egiten duelako.

Hezkuntza da gazteak kezkaturik duen beste gai bat eta honi buruz ere egunotan etorkizuna baldintzatzeko helburua duten neurriak hartzen ari dira.

Bi adibide baino ez dira, baina bi gehiago nor argiki ikusten da euskal gizartea baldintzatzeko neurri ezberdinak hartzen ari direla egungo statu quoa mantendu eta hiritarrak sistemaren krisiaren esku uzteko.

Egunotan argi geratu da Madrilgo Gobernuak, Congresuan daukan gehiengo absolutoarekin geratzen zaizkion hiru urteak ondo aprobetxatzea erabaki duela. Eta amaitu gabeko transiziotik 37 urtetara denentzako kafearen formula inposatzen ari dela: lan harremanen esparruaren kontra joz edota hezkuntza sisteman gaztelania inposatzen.

Estrategia honi aurre egin behar zaio. Herri honen etorkizuna ziurtatzea nahi badugu, formulak aldatu behar dira. Politika desberdinak behar ditugu Euskal Herriaren etorkizuna den gazteriatik urrundu nahi ez badugu, beraiek, beste kolektibo askok bezala, ez dituztelako bateragarri ikusten sufritzen ari diren murrizketak eta guztiz bidegabea den amnistia fiskala bezalako neurriak, gehien dutenak eta aldi berean gehien iruzur egiten dutenak babesteaz gain, erabat eraginik gabekoa demostratu dena.

Politikak aldatu behar dira, ez baita egia gizartea eta gazteak konkretuki politikatik aldendu direla, politika eta berau egiteko modu batzuk urrundu bait dira gizartetik. Izan ere, eta konkretuki Euskal Herrian baina baita ere prozesu soberanistak martxan dituzten herri guztietan, gazteak independentzia mugimenduaren babes handia dira, bermea. Eta logikoa da horrela izatea, erabakitzea nahi izatea. Ez bakarrik Maider, Mikel eta inguruan ditudan guztion belaunaldiak. Nireak ere ez baitu herri eta gizarte bezala definitzen gaituzten lege eta neurriak erabaki.

Horregatik, eta une zehatz honetan gazteen ekarpenak inoiz baino garrantzitsuagoak dira eta momentu ezin aproposagoan iritsi da Gazte Abertzaleak-en Biltzarra.

Maider Carrere:

Pellok oso ondo esan duen bezala, garai hauetan gazteen ekarpena inoiz baino garrantzitsuagoa da; horrela dela erakutsi dugu azkeneko hauteskundeetan, gaztekidea eta parlamentaria den Arritokieta Zulaika horren adibidea, eta datozen urteetan horrela jarraituko duela bermatzeko gazteen antolakuntzarako eta formakuntzarako zuzenduta dauden esparruak zabaltzen joatea da gure apustua.
Prentsaurreko honen helburua datorren hilaren 5tik 9ra Bidarraien egingo dugun Biltzar Nagusiaren berri ematea da. Ni neu Idazkari Nagusia izateari uzten diot, Eusko Alkartasunak dituen belaunaldi berriei bide emateko, beraz, larunbatetik aurrera talde berria landuko ditu orain arte egindako lanak; eraberean gazte erakundeak datozen bi urteetan jarraituko dituen ildo nagusiak ere zehaztuko dituzte bertan bilduko garen Euskal Herri osoko ehun bat konpromisario.
Hiru urteren buruan egin dugun lanaren inguruko irakurketa oso positiboa da. Lan zorrotza eta sendoa egin dugu, Euskal Herrian ageri den egoeratik gazteen hazkuntza intelektualean behar zireneko irizpideak hartu eta eduki horien inguruan lanean jardun dugu: 2009tik herri honek eman dituen pausoetan ekinean ibili gara, urtez urte esperientzia ezberdinekin Gazte Abertzaleakeko kideak egoera berri horien aurrean behar zituzten edukiak landuz.
El grupo de personas que hemos dirigido la organización juvenil desde el 2009 nos despedimos satisfechas por el trabajo hecho y porque entendemos que hemos cumplido con un ciclo dentro de la organización juvenil de Eusko Alkartasuna: un ciclo intenso, de muchos cambios, que nos ha proporcionado multitud de herramientas para contribuir al desarrollo de un nuevo marco en Euskal Herria.
Los diferentes grupos de trabajo que componen la formación juvenil proponen y trabajan por una nueva visión con la que participar en la construcción de la paz. Tras dos años de intensos debates internos, donde la experiencia ha sido la mejor manera de avanzar en la encrucijada de caminos, hemos formulado el marco del debate base de la acción política y social de la organización juvenil.
Gaur banatu dizkizuegun laburpenetan, hausnarketarako testuen ideia nagusiak azaltzen ditugu; hausnarketa horien helburua Euskal Herriak bizi duen egoeran, iritzi eta ikuspuntu anitzen topagunea, gure eztabaidarako txostenak jendarte zabalari bideratutako askotariko biolentzien hausnarketa mahai gainera dakarkigu, gazte erakundetik euskal gatazka modu globalean hausnartzea ez dugulako onartzen aukera bezala, behar bat bezala baizik.
De esta manera reconocemos que en este tiempo donde el camino pasa por el reconocimiento del dolor causado por las diferentes violencias que directamente han vivido ciudadanos/as de Euskal Herria, no podemos obviar que existen lamentablemente más violencias que atacan la dignidad humana, como pueden ser sin ir más lejos los recortes que hoy por hoy están destruyendo el estado de bienestar necesario para la protección de las personas ante el ataque de los mercados.
Beraz, erronka handiko garaiak datozkigu Gazte Abertzaleaken eta horiei heltzeko gazte talde berria heldu zaigu erakundera. Eusko Alkartasunaren taupada Gazte Abertzaleakek eramaten jarraituko du lankidetzarako gune zabalak eta anitzak bideratuz euskal gazteriaren elkarlana Euskal Herri justuago bat lortzeko bidean.
Mila esker,

Jatorria: Eusko Alkartasuna

Gazte Abertzaleak-ek (GA) parte hartu zuen iragan asteburuan Esquerrako gazteen XXII. Biltzarrean, Celrá herrian (Girona), eta, baita ere, Chobentú Aragonesista CHAko gazteen biltzarrean, Zaragozan. Gironara bidalitako ordezkaritzaren buruan izan zen Maider Carrere GAko idazkari nagusiak autodeterminazioaren aldeko mezua helarazi zien bertan bildutakoei eta bide horretan eman beharreko urratsek sendoak izan behar dutela nabarmendu zuen.

PSOEren politika gaitzetsi ez ezik, beren burua abertzaletzat jo baina aldi berean Rubalcabarekin biltzen direnen jokaera ere kritikatu zuen Carrerek, eta Gazte Abertzaleak-ek ez diela gure herriaren eraikuntza prozesua oztopatzen utziko ohartarazi zien. Ildo horri jarraituz, bloke subiranista bat osatzearen aurka ari direnen talde abertzaleen kontra gogor jo zuen GAko buruzagiak; izan ere, “nekatuta gaude Rubalcabari bere estrategian laguntzen dioten parasitoak ikusteaz, beren helburu bakarra burujabetzaren aldeko aurrerapausoak emateko abertzaleen arteko akordioak eragoztea baita”.

EAko gazteek parte hartu zuten, baita ere, Chobentú Aragonesistaren biltzarrean, Zaragozan. Bertan CHAko gazteekiko elkarlanari eusteko borondate osoa adierazi zuten.

Jatorria: Gazte Abertzaleak

Gazte Abertzaleak-ek babes osoa adierazi dio gaur Atarrabiako alkate eta Eusko Alkartasunako kide Peio Gurbindori, Auzitegi Nazionaleko Fiskaltzak terrorismoaren gorazarre egitea leporatu baitio. EAko gazte erakundeak epai-prozedura gaitzetsi du “sorgin ehiza” baino ez delako eta PSOEri egotzi dio “jokaera zikin honen atzean egotea”, Fiskaltza Zapateroren Gobernuaren menpe baitago.

Gurbindo “indar nazionalista espainolen biktima” dela salatu eta akusazioak ez hankarik ez bururik ez duela nabarmendu du Gazte Abertzaleak-ek, eta horregatik prozedura bertan behera berehala uzteko exijitu du. EAko gazteen arabera, egoera honen jatorrian UPN, PP eta PSNren estrategia politikoa dago, “aspaldidanik Nafarroako abertzaleak kriminalizatzen ari direlako”.

Horren aurrean, azpimarratu du Gazte Abertzaleak-ek, abertzaleen arteko ekintza batasuna ezinbestekoa da eta helburu horren alde lan egitera die talde abertzale guztiei; izan ere, “denbora gure eta Euskal Herriaren aurka doa eta hori nazionalista espainolek ederki dakite, horregatik bloke subiranista bat egituratzea presazkoa eta ezinbestekoa da”.

Jatorria: Gazte Abertzaleak

Guardia Zibilak Gipuzkoan azkeneko aste honetan ugaldu dituen kontrolak salatu ditu Gazte Abertzaleak-ek, jasan ezinak izatera iritsi baitira, Maider Carrere GAko idazkari nagusiak adierazi duenez. Bere iritziz, “Estatuko Segurtasun Indarren nagusikeriaren adierazle dira kontrol horiek”.

Gazte Abertzaleak-ek ez du inongo justifikaziorik ikusten kontrol kopurua hain nabarmen igotzeko, batez ere Goiherrin. Carrereren irudiko, “helburua euskal herria kikiltzea da” eta, horren ondorioz, “Ordizia, Beasain, Lazkao eta horiek bezalako beste hainbat herritako gazteek kezkaz hartu dute guardia zibilen presentzia, metraileta eskuan, etengabe identifikatzen dituztelako, abertzaleak izatea akusazio bakarra izanda”.

Egoera horren aurrean, herri honen duintasuna eta lasaitasuna bermatzeko, Gazte Abertzaleak-ek Guardia Zibila ez ezik, gainerako espainiar indar polizialak eta militarrak ere Euskal Herritik berehala eta lehenbailehen atera daitezela eskatu du, okupazio indarrak dira eta.

Jatorria: Gazte Abertzaleak

Gazte Abertzaleak-ek bere kezka adierazi du Areetako skate pista kentzeko Getxoko PSEk abian jarri duen auzi judiziala dela eta, neurri hori “udalerriko gazteen kontrako erasoa” delako. EAko gazteek itxurakeriaz eta zinismoz jokatzea egotzi diete sozialistei, Getxoko Udaleko Bozeramaileen Batzordean pista hori berritzeko proiektuaren alde egin zutelako. “Arrazoi objektibo bat ere ez dugu aurkitzen PSEren iritzi aldaketa azaltzeko eta horregatik Alkatetza lortzeko estrategia bat baino ez den susmoa dugu”, salatu du GAk.

Gazte Abertzaleak-en ustez, elkarbizitza arazoak astinduz eta neurri zorrotzak planteatuz PSEk populismoari heldu dio botoak lortzeko asmoz. “Zarata besterik ez dute egiten, baina konponbideak eskaini gabe”, leporatu diete EAko gazteek sozialistei.

Skate pista kentzeko PSEren eskakizuna onartezina da eta are gehiago zaratak murrizteko alternatibak aztertu ere egin ez direnean.Horregatik, Gazte Abertzaleak-ek salaketa bertan behera uzteko eskatu dio PSEri, “bestela gazteentzako aisialdirako alternatiba bat ezabatuko litzatekeelako”.

Jatorria: Gazte Abertzaleak

Gazte Abertzaleakek Euskal Herriko ikasgeletatik gurutzeak eta bestelako erligio-zeinuak kentzeko eskatu du eta Elizaren eta Estatuaren arteko banaketa eskola publikoan ere benetakoa izan dadin behar diren neurriak har ditzatela eskatu die Eusko Jaurlaritzako eta Nafarroako Gobernuko Hezkuntza arduradunei. Europako Giza Eskubideen Auzitegiak atzo zentzu horretan ezagutarazi zuen epaiaren harira egin ditu eskaera hauek gazte erakundeak.

Gazte Abertzaleaken iritziz, ikasgeletan gurutzeak eta bestelako erlijio-zeinuak egotea “ikasleen zintzotasun moralaren aurkako atentatua da”, modu horretan haien askatasuna murrizten delako. Horregatik, zeinu horiek berehala kentzeko eskatu du, ikastetxe publikoak “laizismoaren gotorleku” bihur daitezen eta dogmarik eta erlijio-loturarik gabeko formakuntza berma dezaten.

“Elizak beti eta bere mesederako izan duen boterearen adierazlea baino ez dira gurutzeak”, salatu du Gazte Abertzaleakek. Gainera, “sinbolo horiek guztiak kentzea garrantzitsua da ingurune sekularrak sortzeko eta Elizari gizartean zer nolako papera dagokion gogorarazteko”. Izan ere, Giza Eskubideen Auzitegiak dioenez, “gurutzeek erlijio-askatasuna urratzen dute”.

Jatorria: Gazte Abertzaleak