1. Munduaren begien aurrean egindako herri palestinarraren genozidioaren salaketa argi eta borobila.

2. Estatuei eta agintari publikoei Israelgo Estatuarekin harremanak hausteko eskatzea.

3. Israelgo Estatuari zuzendutako armamentuaren eta teknologia dualaren bahitura osoa.

4. Europar Batasuna-Israel elkartze akordioaren etena.

5. Gazako biztanleei elikagaiak berehala ematea.

6. Estatu palestinarraren aitortza

7. Bide diplomatikoa, gerraren amaierarako baliabide bakarra.

8. Errefuxiatuen itzulerarako funtsak askatzea eta Estatu Palestinar subirano aske eta baketsua berreraikitzea.

Lorena Lopez de Lacalle Arizti gure Nazioarteko Politikako idazkaria, Europako Aliantza Librearen (EFA-ALE) buru izateko hautatu dute berriz ere. Hautaketa alderdiak Bretainiako Naoned hirian ostegunetik gaur arte ospatu duen batzarrean eman da.

Beraz, alderdiak EFAko zuzendaritza edo “Bureau”-ren parte izaten jarraituko du gutxieneko agintaldiko hurrengo hiru urteetan. Herrien autodeterminazio eskubidea, giza eskubideak, eskubide zibil eta politikoak, eta kultura eta hizkuntza aniztasuna defendatzen dituzten 40 alderdi erregionalista, autonomista eta nazionalista ordezkatzen ditu gaur egun 1999an osatutako EFAk Europako Parlamentuan.

“Europak berak erreforma demokratiko sakon bat behar du, gaur egun benetaneragin nahi badu. Europa ez da bere potentzial guztia erabiltzen ari” adierazi du presidente hautetsiak Asanblada ixteko hitzaldian. Bere ustetan gakoa aniztasunean elkartuta eta batera agertzean dago. “Munduko bazkide ekonomiko indartsua bihurtu gara eta bagara, baina hala ere, bazkide politiko ahula gara nagusiki, ez garelako gai izan duela 75 urte sinatutako lehen konpromisoa bera betetzeko: aniztasuna benetan aintzat hartzearena hain zuzen ere”. Hortaz, “hautatu berri den exekutiba hau bidezkoagoa izan behar den guztion Europa lortzeko lanean buru belarri jartzen da gaurtik hasita”. Beharrezkoa balitz, Lopez de Lacalleren ordezkoa Aitziber Salazar Arresti izango da, Gasteizko zinegotzia.

Batzar Nagusian hogeita hamar mozio baino gehiago eztabaidatu eta bozkatu ditugu, EFA osatzen dugun 40 alderdietako askok aurkeztuta. Gehienak aho batez atera dira aurrera. Estaturik gabeko nazioen hizkuntza aniztasunaren defentsa edo Europako defentsa eredua bezalako gaiak nabarmendu dituzte besteak beste.

Gainera, alderdiok aukera izan dugu urteko txostena batzarrera aurkezteko. Atzo Eba Blanco de Angulo gure idazkari nagusiak hartu zuen hitza eta azpimarratu zuenez, “gure alderdiaren muinean beste alderdiekin harremanak sustatzea dago, herri akordioak lortzeko eta estatuko nazioen eskubidea aitortu eta bestetik ultraeskuina geldiarazteko”.

Bestalde, egunotan, EFAko Coppieters fundazioak ere bere asanblada egin du. Mikel Osinalde Melchor, Alkartasuna Fundazioaren ordezkariak foroan adierazi duenez, “fundazioaren lana oso garrantzitsua da eta are garrantzitsuagoa izatea nahi dugu, gure helburua alderdiaren ekoizpen politikoaren sortzaile nagusi bihurtzea baita”.

Europako Aliantza Libreko (EFA-ALE) kide izateko hautagaitza aurkeztuko dugu aste honetan, maiatzaren 8tik 10era, Bretainiako Naoned (Nantes) hirian egingo den Batzar Nagusian.

Hortaz, seguruenik alderdiak koalizioaren zuzendaritza edo “Bureau”-aren parte izaten jarraituko du; 1999an osatu zen eta gaur egun Europako Parlamentuan herrien autodeterminazio eskubidea, giza eskubideak, eskubide zibil eta politikoak, eta kultura eta hizkuntza aniztasuna defendatzen dituzten 40 alderdi erregionalista, autonomista eta nazionalista ordezkatzen ditu.

Era berean, Lorena Lopez de Lacalle Arizti, gure Nazioarteko Politikako idazkaria, EFAko presidente berrautatzeko aukeraz mintzatu da. Asanbladarako aukeratutako leloaren harira, “Hitz egitea existitzea da”, López de Lacallek azpimarratu du EFAren izaeran tokiko ekintza dagoela nazionalitate bakoitzetik, baina ikuspegi global europeista ezinbestekoa ahaztu gabe. “Berriro aurkeztuko naiz kargura, uste sendoa dudalako beste Europa askoz ere justuago bat posible dela. EFAn gauden nazioen ezaugarriak direla eta, ziur naiz aldaketa irudikatzen dugun espaziotik soilik etor daitekeela, eta ez estatu handietatik. Hala ere, ez dugu soilik gutaz hitz egingo, Ukraina, Palestina eta Kurdistan bezalako lekuetan gertatzen denaz ere arduratu behar dugu”.

Alderdi demokratak, hemen zentro liberala izango litzatekeenak, politika kontserbadoreagoetara jo du, eta biraketek bidesaria kobratu dute. Adibide bezala, Kamala Harris hautagaiak, aspalditik fracking-aren aurkako kritikak egin zituenak, azkenekoetan hain arriskutsua den teknika horren aldeko kanpaina egin du. Jendeak, originalaren eta kopiaren artean, lehenengoa erosten du azkenean. Bestalde, Bidenek bere presidenteordearen hautagaitza estali du. Trumpek lau urte zeramatzan kanpainan, Harrisek aldiz, hilabete gutxi. Hor aldea. Bitartean, alderdi demokrataren ezkerraldean, Bernie Sandersek senatuan duen eserlekuari eutsi dio Vermonten, baina gizon zaharra da, eta alderdi demokratak bere purgatoriotik pasatu beharko du lidergoak berritzeko. Eta berregiten saiatu beharko da datozen hauteskunde partzialei begira, bi urte barru izango baitira.

Baliteke Estatu Batuak oraindik munduko ekonomia nagusia izatea, Txina gorabehera, eta mundu mailan ia ahalguztiduna da. Nahi ala ez, mundu osoari eragingo diote Trump 2.0 administrazioak hartuko dituen erabakiek. Haren presidentetza ez da eraginkorra izango urtarrilaren 22ra arte, baina Europan ezin dugu gertatutakoaren zain jarraitu. Bai AEBetan, Txinan edo Errusian, berdin du. Ekonomian ere ez da ezustekorik izango. Isolazionismoan eta protekzionismoan oinarritutako urteak datoz. Gure produktuetara muga-zergetatik, gure esportazioak garestituko dituztenak, hain zuzen ere. Panorama txarra benetan, AEB delako gehien esportatzen dugun herrialdea, Frantzia eta Alemaniaren atzetik. Hego Euskal Herritik, 450 milioi euroko esportazioak egiten ditugu urtean. Bada zerbait.

Hala ere, tentazioak tentazio, ahaztu egin behar dira Trump eta bera bezalako gainontzeko buruzagi populista guztiak. Gure iparrorratza ezkerrean dago. Kito. Ezerk eta inork ez gaitzala despistatu eta hortik atera. Akats estrategiko oso larria litzateke esparru neoliberalean erortzea, bere agenda gizajalean. Europan blindatu eta lan egin behar dugu guztion onuran oinarritutako guztiontzako politika aurreratu propioen alde. Interes pribatuak pertsonen interesen gainetik jartzen dituzten politikak eta kasu batzuetan, kapitalaren txotxongiloak diren erakundeak, desagerraraztea.

Von der Leyen “administrazioa” ere martxan egongo da urtarriletik aurrera, eta mundu mailako zentralitatea bilatu beharko luke, Europako sortze eredua indartuz, eta bere agenda propioa ezarriz, Meloni eta Orbanena izan ezin daitekeena, noski. Migrazio-politikei dagokienez, behingoz herrialde garatuek krisian duten erantzukizuna aitortuko eta araberako erantzuna eman behar dute, eta horren arabera jokatu, kontinentera milaka pertsona iristea behar bezala kudeatzeko. Trantsizio energetikoan eta klima aldaketaren kontzientziazioan, Teresa Riberak bere lidergoa gauzatu beharko du Europak deskarbonizazio helburuak bete ditzan. Emakumeen eskubideetan azeleragailua zapaltzea, azken urteetan atzerakada nabarmena pairatu dugulako. Eta nola ez, Europako nazioarteko harremanak ahaztu gabe, abian diren gerra gatazketatik hasita. Gai horietan guztietan eta beste batzuetan, Europak AEB begiratzeari utzi beharko dio politika propioa egiteko.

AEBk Europako defentsan inbertitzeari utziko dio, ez baita Trumpen afera. NATOren aterkirik gabe, “Europaren defentsaz” hitz egiten hasiko dira. Ukrainan, mundu guztiak daki irtenbidea ez dagoela gerran, negoziazioan baizik. Europatik ezin dugu Zelensky armaz hornitzen jarraitu. Bide diplomatikora joan beharko da, eta negoziatu. Zelenskyren interesen azpitik, ziurrenik, baina Errusiak okupatutako herriek baldintza demokratikoak bermatuz erabaki ahal izateko atea zabalik utzita. Palestinako gatazka Ukrainakoa baino are zailagoa da tamalez. Europarentzat bi estatuen politika utziezina da. ALEk, The Left-ekin, konferentzia bat antolatuko dugu Abenduaren 10ean Europako parlamentuan, elkarrizketa eta negoziazioa bultzatzen jarraitzeko, genozidioa salatuko duten legelariekin.

Eta Estatuez ari garela, Estaturik gabeko nazioen unea da. Ziur aski, Europa honek ez du horretan sinesten, baina txokoa hain nahasia ikusita, federalismo pragmatiko baterantz pausoak ematera behartuta dagoela ulertu behar du. Eta azkenean, zirkunstantziek behartuko dute. Bere interes propioek.

Laburbilduz, Trumpen garaipena, albiste ona da mundu neoliberalarentzat, baina albiste txarra guretzat, besteontzat. Dena den, hori ere aukera handia da. AEBen menpekotasun historikoa behingoz astintzeko eta pertsonengan eta guztion onuran oinarritutako gizarte bat ezartzeko aukera handia, Ipar Amerikako eredu neoliberalaren antipodetan.

Lorena Lopez de Lacalle Arizti.
Nazioarteko Politika idazkaria.

Argazkia: ANF / Serkan Demirel

Gaur, maiatzak 9, Europako Eguna ospatzen den egunean, Eusko Alkartasunak aprobetxatu du Pedro Sanchezi Europar Batasuneko presidente den bitartean helaraziko dizkion eskaera nagusien berri emateko. Elikagaien eta energiaren prezioa, genero-indarkeriaren aurkako borroka, hizkuntza gutxituen babesa eta saharar herriaren babesa izango dira, besteak beste, EAk jorratu dituen gaiak.

Eusko Alkartasunako Nazioarteko Politika idazkaria eta EFA alderdi europarraren lehendakaria den Lorena López de Lacallek Europako egungo ereduak ez dituela euskal herritarren beharrak asetzen eta gauza gehiago egin daitezkela eta egin behar direla esan du. “Beste Europa bat behar da eta horregatik ekintza argiak eta aldaketak eskatuko behar zaizkio Sánchezi”, adierazi du.

López de Lacallek azaldu du espainiar presidentziari “Estatuak iristen ez diren edo iritsi nahi ez duten gauzak” eskatuko dizkiotela; adibidez, oinarrizko produktuen edo energiaren prezioak mugatzea.

“Honekin batera mugarik gabeko osasuna eta hezkuntzarako baliabideak mobilizatzea, eta genero-indarkeriaren aurkako europar araudi berria lehenbailehen onartzea eskatuko diogu Sánchezi”, gehitu du. Gainera, “hizkuntzen osasuna gobernuen siglen mende egon ez dadin Europako herri guztien hizkuntza-aniztasuna sustatu eta babestea aldarrikatuko da”.

Nazioartean, EAk eskatuko du Europak Kosovo onartzea eta Europar Batasunan sartzea eta Saharako herriari laguntzea bere independentziaren aldeko borrokan.

Gaur, maiatzak 9, Europako Eguna ospatzen den egunean, Eusko Alkartasunak aprobetxatu du Pedro Sanchezi Europar Batasuneko presidente den bitartean helaraziko dizkion eskaera nagusien berri emateko.  Besteak beste, elikagaien eta energiaren prezioa, genero-indarkeriaren aurkako borroka, hizkuntza gutxituen babesa eta saharar herriaren babesa izango dira gai horietako batzuk.

Eusko Alkartasunako Nazioarteko Politika idazkaria eta EFA alderdi europarraren lehendakaria den Lorena López de Lacallek Europako egungo ereduak ez dituela euskal herritarren beharrak asetzen eta gauza gehiago egin daitezkela eta egin behar direla esan du. “Beste Europa bat behar da eta horregatik ekintza argiak eta aldaketak eskatuko behar zaizkio Sánchezi”, adierazi du.

López de Lacallek azaldu du espainiar presidentziari “Estatuak iristen ez diren edo iritsi nahi ez duten gauzak” eskatuko dizkiotela; adibidez, oinarrizko produktuen edo energiaren prezioak mugatzea.

“Honekin batera mugarik gabeko osasuna eta hezkuntzarako baliabideak mobilizatzea, eta genero-indarkeriaren aurkako europar araudi berria lehenbailehen onartzea eskatuko diogu Sánchezi”, gehitu du. Gainera, “hizkuntzen osasuna gobernuen siglen mende egon ez dadin Europako herri guztien hizkuntza-aniztasuna sustatu eta babestea aldarrikatuko da”.

Nazioartean, EAk eskatuko Europak Kosovo onartzea eta Europar Batasunan sartzea eta Saharako herriari laguntzea bere independentziaren aldeko borrokan.

EFAko presidenteak adierazi duenez, europar alderdiak tresna eta pertsona egokiak ditu hurrengo erronkei aurre egiteko; besteak beste, 2024ko Europako Parlamenturako Hauteskundeak eta lehen aldiz zerrenda transnazionalak aurkezteko aukera.

López de Lacalle EAko bigarren ordezkaria da EFAko presidentzian, izan ere, 90. hamarkadan Carlos Garaikoetxeak zuzendu zuen autodeterminazioaren aldeko alderdi europarra.

Aliantza Libre Europarreko presidente eta EAko nazioarteko idazkari Lorena Lopez de Lacallek, Philippe Duluc eakidea lagun, Touloneko Udako Unibertsitatean izango da. Larunbatean, Lopez de Lacallek, Scottish National Partyko Heather Anderson eta Esquerra Republicanako Marta Rosiquerekin batera “Europako mugimendu autonomisten gobernua”ri buruzko mahainguruan parte hartuko du. Bertan, Eskoziako bigarren erreferendumaz gain, Europako Etorzkizunerako eztabaida jorratuko dute, gako diren bi gai aztertuz; migrazio fluxuak eta aldaketa klimatikoa eta trantsizio energetikoa.

Nazioarteko bi zita hauek Aliantza Libre Europarrean saretuta dauden alderdi aurrerakoi subiranisten arteko loturak indartzeko balio du, eta zabaltzen dabilen aliantzako kide berriak hobeto ezagutzeko; hala nola Andalucía Por Sí edo Siciliani Liberi alderdiak.

Lopez de Lacallek azpimarratu du “Ordezkari politikoen formakuntzarekin jarraitzeaz gain, herriak burujabeki gobernatzeko asmoa eta autoa egin duten alderdiak koordinatzea da helburua, subirautza politikotik eta justizia sozialetik, gizarte eta herri aske, aurrerakoi eta justuak lortzeko estrategia amankomunak baliatuz”.

Eusko Alkartasunak Europako alderdi eta mugimendu autonomista eta independentistek antolatutako bi udako unibertsitatean parte hartuko du: batetik, Okzitaniako Toulonen Régions et Peuples Solidaires alderdiak ospatzen duena, eta bestetik Patto Per l’Autonomia eratu berri den Friulia Veneziako mugimendu autonomistak antolatu duena. Bilera hauen helburu nagusia da indar subiranista ezberdinen jardunak partekatzea, eta politika berde, feminista eta aurrerakoiak sustatuko dituzten gobernu autonomoak indartzea.

Aliantza Libre Europarreko presidente eta EAko nazioarteko idazkari Lorena Lopez de Lacallek, Philippe Duluc eakidea lagun, Touloneko Udako Unibertsitatean izango da. Larunbatean, Lopez de Lacallek, Scottish National Partyko Heather Anderson eta Esquerra Republicanako Marta Rosiquerekin batera “Europako mugimendu autonomisten gobernua”ri buruzko mahainguruan parte hartuko du. Bertan, Eskoziako bigarren erreferendumaz gain, Europako Etorzkizunerako eztabaida jorratuko dute, gako diren bi gai aztertuz; migrazio fluxuak eta aldaketa klimatikoa eta trantsizio energetikoa.

Nazioarteko bi zita hauek Aliantza Libre Europarrean saretuta dauden alderdi aurrerakoi subiranisten arteko loturak indartzeko balio du, eta zabaltzen dabilen aliantzako kide berriak hobeto ezagutzeko; hala nola Andalucía Por Sí edo Siciliani Liberi alderdiak.

Lopez de Lacallek azpimarratu du “Ordezkari politikoen formakuntzarekin jarraitzeaz gain,

herriak burujabeki gobernatzeko asmoa eta autoa egin duten alderdiak koordinatzea da helburua, subirautza politikotik eta justizia sozialetik, gizarte eta herri aske, aurrerakoi eta justuak lortzeko estrategia amankomunak baliatuz”.