Lorena Lopez de Lacalle Arizti gure Nazioarteko Politikako idazkaria, Europako Aliantza Librearen (EFA-ALE) buru izateko hautatu dute berriz ere. Hautaketa alderdiak Bretainiako Naoned hirian ostegunetik gaur arte ospatu duen batzarrean eman da.

Beraz, alderdiak EFAko zuzendaritza edo “Bureau”-ren parte izaten jarraituko du gutxieneko agintaldiko hurrengo hiru urteetan. Herrien autodeterminazio eskubidea, giza eskubideak, eskubide zibil eta politikoak, eta kultura eta hizkuntza aniztasuna defendatzen dituzten 40 alderdi erregionalista, autonomista eta nazionalista ordezkatzen ditu gaur egun 1999an osatutako EFAk Europako Parlamentuan.

“Europak berak erreforma demokratiko sakon bat behar du, gaur egun benetaneragin nahi badu. Europa ez da bere potentzial guztia erabiltzen ari” adierazi du presidente hautetsiak Asanblada ixteko hitzaldian. Bere ustetan gakoa aniztasunean elkartuta eta batera agertzean dago. “Munduko bazkide ekonomiko indartsua bihurtu gara eta bagara, baina hala ere, bazkide politiko ahula gara nagusiki, ez garelako gai izan duela 75 urte sinatutako lehen konpromisoa bera betetzeko: aniztasuna benetan aintzat hartzearena hain zuzen ere”. Hortaz, “hautatu berri den exekutiba hau bidezkoagoa izan behar den guztion Europa lortzeko lanean buru belarri jartzen da gaurtik hasita”. Beharrezkoa balitz, Lopez de Lacalleren ordezkoa Aitziber Salazar Arresti izango da, Gasteizko zinegotzia.

Batzar Nagusian hogeita hamar mozio baino gehiago eztabaidatu eta bozkatu ditugu, EFA osatzen dugun 40 alderdietako askok aurkeztuta. Gehienak aho batez atera dira aurrera. Estaturik gabeko nazioen hizkuntza aniztasunaren defentsa edo Europako defentsa eredua bezalako gaiak nabarmendu dituzte besteak beste.

Gainera, alderdiok aukera izan dugu urteko txostena batzarrera aurkezteko. Atzo Eba Blanco de Angulo gure idazkari nagusiak hartu zuen hitza eta azpimarratu zuenez, “gure alderdiaren muinean beste alderdiekin harremanak sustatzea dago, herri akordioak lortzeko eta estatuko nazioen eskubidea aitortu eta bestetik ultraeskuina geldiarazteko”.

Bestalde, egunotan, EFAko Coppieters fundazioak ere bere asanblada egin du. Mikel Osinalde Melchor, Alkartasuna Fundazioaren ordezkariak foroan adierazi duenez, “fundazioaren lana oso garrantzitsua da eta are garrantzitsuagoa izatea nahi dugu, gure helburua alderdiaren ekoizpen politikoaren sortzaile nagusi bihurtzea baita”.

Europako Aliantza Libreko (EFA-ALE) kide izateko hautagaitza aurkeztuko dugu aste honetan, maiatzaren 8tik 10era, Bretainiako Naoned (Nantes) hirian egingo den Batzar Nagusian.

Hortaz, seguruenik alderdiak koalizioaren zuzendaritza edo “Bureau”-aren parte izaten jarraituko du; 1999an osatu zen eta gaur egun Europako Parlamentuan herrien autodeterminazio eskubidea, giza eskubideak, eskubide zibil eta politikoak, eta kultura eta hizkuntza aniztasuna defendatzen dituzten 40 alderdi erregionalista, autonomista eta nazionalista ordezkatzen ditu.

Era berean, Lorena Lopez de Lacalle Arizti, gure Nazioarteko Politikako idazkaria, EFAko presidente berrautatzeko aukeraz mintzatu da. Asanbladarako aukeratutako leloaren harira, “Hitz egitea existitzea da”, López de Lacallek azpimarratu du EFAren izaeran tokiko ekintza dagoela nazionalitate bakoitzetik, baina ikuspegi global europeista ezinbestekoa ahaztu gabe. “Berriro aurkeztuko naiz kargura, uste sendoa dudalako beste Europa askoz ere justuago bat posible dela. EFAn gauden nazioen ezaugarriak direla eta, ziur naiz aldaketa irudikatzen dugun espaziotik soilik etor daitekeela, eta ez estatu handietatik. Hala ere, ez dugu soilik gutaz hitz egingo, Ukraina, Palestina eta Kurdistan bezalako lekuetan gertatzen denaz ere arduratu behar dugu”.

EFAk (European Free Alliance) Europako alderdia Bruselan burutzen ari den Batzar Orokorrean parte hartuko dugu martxoaren 7an eta 8an. Mozio bat aurkeztu dugu Nekazaritza Politika Bateratuaren (NPB) erreformari buruz eta paisaia kultur ondare ez-material gisa izendatzeko.

Nazioarteko Politikako idazkaria eta EFAko presidentea den Lorena López de Lacalle EAren ordezkaritzaren buru izango da. Ondoan Harreman Instituzionaletako eta Araubide Juridikoko idazkaria den Iker Ruiz de Egino izango du.

Aurkeztutako mozioan euskal nekazariak egun hauetan kaleetan aldarrikatzen ari diren eskaera asko jasotzen ditugu. Ildo horretatik, Europako erakundeei eskatzen diegu beste herrialde batzuetatik inportatzen diren elikagaiei estandar berberak ezartzea, EBko tokiko nekazariekin lehia desleiala saihesteko, elikagaien prezioekin espekulazioa alboratzeko mekanismoak adostea, genero-berdintasuna sustatzeko eta emakumeak eskala txikiko nekazaritza-negozioetan ekintzea bultzatzea, nekazaritza-ustiategiak babestea, herrialdeen elikadura-subiranotasuna bermatzeko modu gisa, eta, azkenik, paisaia Europako herrien kultura-ondare immaterial gisa aitortzea.

Era berean, EFAk Europan feminismoa bultzatzeko martxoaren 8an antolatu duen eztabaida publikoan parte hartuko dugu. Arratsaldean berriz, erakunde feministek, sindikatuek eta Belgikako alderdi politikoek deitu duten genero-berdintasunaren aldeko manifestaziora joango gara.

Eba Blanco idazkari nagusiak, Lorena López de Lacalle Nazioarteko Politikarako idazkariak eta Maider Otamendi Antolakuntza idazkariak osatzen dute Eusko Alkartasunaren ordezkaritza.

Biltzarrean omenaldia egingo zaio hil berri den Max Simeoniri, nazionalismo korso modernoaren gurasoetako bat eta eurodiputatu ohiari. Ekitaldian Carlos Garaikoetxea lehendakariak parte hartu duen bideo bat proiektatuko da.

Gaur, maiatzak 9, Europako Eguna ospatzen den egunean, Eusko Alkartasunak aprobetxatu du Pedro Sanchezi Europar Batasuneko presidente den bitartean helaraziko dizkion eskaera nagusien berri emateko. Elikagaien eta energiaren prezioa, genero-indarkeriaren aurkako borroka, hizkuntza gutxituen babesa eta saharar herriaren babesa izango dira, besteak beste, EAk jorratu dituen gaiak.

Eusko Alkartasunako Nazioarteko Politika idazkaria eta EFA alderdi europarraren lehendakaria den Lorena López de Lacallek Europako egungo ereduak ez dituela euskal herritarren beharrak asetzen eta gauza gehiago egin daitezkela eta egin behar direla esan du. “Beste Europa bat behar da eta horregatik ekintza argiak eta aldaketak eskatuko behar zaizkio Sánchezi”, adierazi du.

López de Lacallek azaldu du espainiar presidentziari “Estatuak iristen ez diren edo iritsi nahi ez duten gauzak” eskatuko dizkiotela; adibidez, oinarrizko produktuen edo energiaren prezioak mugatzea.

“Honekin batera mugarik gabeko osasuna eta hezkuntzarako baliabideak mobilizatzea, eta genero-indarkeriaren aurkako europar araudi berria lehenbailehen onartzea eskatuko diogu Sánchezi”, gehitu du. Gainera, “hizkuntzen osasuna gobernuen siglen mende egon ez dadin Europako herri guztien hizkuntza-aniztasuna sustatu eta babestea aldarrikatuko da”.

Nazioartean, EAk eskatuko du Europak Kosovo onartzea eta Europar Batasunan sartzea eta Saharako herriari laguntzea bere independentziaren aldeko borrokan.

Gaur, maiatzak 9, Europako Eguna ospatzen den egunean, Eusko Alkartasunak aprobetxatu du Pedro Sanchezi Europar Batasuneko presidente den bitartean helaraziko dizkion eskaera nagusien berri emateko.  Besteak beste, elikagaien eta energiaren prezioa, genero-indarkeriaren aurkako borroka, hizkuntza gutxituen babesa eta saharar herriaren babesa izango dira gai horietako batzuk.

Eusko Alkartasunako Nazioarteko Politika idazkaria eta EFA alderdi europarraren lehendakaria den Lorena López de Lacallek Europako egungo ereduak ez dituela euskal herritarren beharrak asetzen eta gauza gehiago egin daitezkela eta egin behar direla esan du. “Beste Europa bat behar da eta horregatik ekintza argiak eta aldaketak eskatuko behar zaizkio Sánchezi”, adierazi du.

López de Lacallek azaldu du espainiar presidentziari “Estatuak iristen ez diren edo iritsi nahi ez duten gauzak” eskatuko dizkiotela; adibidez, oinarrizko produktuen edo energiaren prezioak mugatzea.

“Honekin batera mugarik gabeko osasuna eta hezkuntzarako baliabideak mobilizatzea, eta genero-indarkeriaren aurkako europar araudi berria lehenbailehen onartzea eskatuko diogu Sánchezi”, gehitu du. Gainera, “hizkuntzen osasuna gobernuen siglen mende egon ez dadin Europako herri guztien hizkuntza-aniztasuna sustatu eta babestea aldarrikatuko da”.

Nazioartean, EAk eskatuko Europak Kosovo onartzea eta Europar Batasunan sartzea eta Saharako herriari laguntzea bere independentziaren aldeko borrokan.

Bruselari Europan erabakitzeko eskubidea gauzatzeko esparrua ezartzeko lanean ari da Europako Aliantza Librea. Europar Batasuneko estatu gabeko nazioetako alderdi subiranista eta erregionalistak biltzen ditu EALk eta Eusko Alkartasunak bertan parte hartzen du. Lorena Lopez de Lacalle, Eusko Alkartasunako Nazioarteko Politikako idazkari eta EALko presidenteak azaldu duenez, “autodeterminazio eskubideak aspaldi utzi zion estatu bateko edo besteko barne-arazoa izateari, eta hainbat nazio eta estatuei eragiten dien Europa mailako gaia da”.

Lorena Lopez de Lacallek EALko esparru guztiak bildu dituen bileran parte hartzen ari da egunotan: alderdi politikoa, Europako Parlamentuko talde politikoa eta eskualdeko batzordeko taldea. Bilera Bastian (Korsika) egiten ari dira, Gilles Simeoni, presidentea, anfitrioi dela eta Oriol Junqueras, ERCko presidentea, ere bertan dela.

EALren konklabeak epe laburrerako lan-lehentasunak ezarriko ditu. Autodeterminazio eskubidea horietako bat da, “independentzia lortzeko, autogobernu maila handiagoa lortzeko edo estatus juridiko-politikoa aldatzeko herritarren borondate politiko argia dagoen momentuetan, estatuek hitz egiteari eta herritarrei entzuteari uko egiten dioten” kasuei irtenbidea emateko esparrua ezarriz. Estatuek herritarren gehiengoaren borondatearen garapenari betoa jartzen diotenean, EBk esku hartu behar izatea da EALren proposamena, negoziazio-esparrua ezarriz.

EALrentzat lehentasunak dira ere bidezkoa den trantsizio ekologikoa, desberdintasunen aurkako borroka zentzurik zabalenean, EBra iritsiko den migrazioari erantzun humanitarioa ematea eta erabakiak hartzerakoan emakumeen eta gazteen presentzia bultzatzea.

López de Lacalleren ustez, autodeterminazio eskubidea da proposamenen oinarria; izan ere, autodeterminazioa, tokian tokiko kudeaketa, funtsezkoa da gizarteak behar dituen politikak garatzeko. EALk proposamen horietan sakontzen jarraituko du urriaren erdialdean egingo duen Batzar Nagusian. Bertan, koalizioa osatzen duten 18 estatu ezberdinetako 48 alderdiak bilduko dira eta Euskal Herria, Katalunia, Eskozia, Flandria eta Kortsikako indar subiranisten eskutik EAL sortu zeneko 40 urteurrena ospatuko da.

Bruselari Europan erabakitzeko eskubidea gauzatzeko esparrua ezartzeko lanean ari da Europako Aliantza Librea. Europar Batasuneko estatu gabeko nazioetako alderdi subiranista eta erregionalistak biltzen ditu EALk eta Eusko Alkartasunak bertan parte hartzen du. Lorena Lopez de Lacalle, Eusko Alkartasunako Nazioarteko Politikako idazkari eta EALko presidenteak azaldu duenez, “autodeterminazio eskubideak aspaldi utzi zion estatu bateko edo besteko barne-arazoa izateari, eta hainbat nazio eta estatuei eragiten dien Europa mailako gaia da”.

Lorena Lopez de Lacallek EALko esparru guztiak bildu dituen bileran parte hartzen ari da egunotan: alderdi politikoa, Europako Parlamentuko talde politikoa eta eskualdeko batzordeko taldea. Bilera Bastian (Korsika) egiten ari dira, Gilles Simeoni, presidentea, anfitrioi dela eta Oriol Junqueras, ERCko presidentea, ere bertan dela.

EALren konklabeak epe laburrerako lan-lehentasunak ezarriko ditu. Autodeterminazio eskubidea horietako bat da, “independentzia lortzeko, autogobernu maila handiagoa lortzeko edo estatus juridiko-politikoa aldatzeko herritarren borondate politiko argia dagoen momentuetan, estatuek hitz egiteari eta herritarrei entzuteari uko egiten dioten” kasuei irtenbidea emateko esparrua ezarriz. Estatuek herritarren gehiengoaren borondatearen garapenari betoa jartzen diotenean, EBk esku hartu behar izatea da EALren proposamena, negoziazio-esparrua ezarriz.

EALrentzat lehentasunak dira ere bidezkoa den trantsizio ekologikoa, desberdintasunen aurkako borroka zentzurik zabalenean, EBra iritsiko den migrazioari erantzun humanitarioa ematea eta erabakiak hartzerakoan emakumeen eta gazteen presentzia bultzatzea.

López de Lacalleren ustez, autodeterminazio eskubidea da proposamenen oinarria; izan ere, autodeterminazioa, tokian tokiko kudeaketa, funtsezkoa da gizarteak behar dituen politikak garatzeko. EALk proposamen horietan sakontzen jarraituko du urriaren erdialdean egingo duen Batzar Nagusian. Bertan, koalizioa osatzen duten 18 estatu ezberdinetako 48 alderdiak bilduko dira eta Euskal Herria, Katalunia, Eskozia, Flandria eta Kortsikako indar subiranisten eskutik EAL sortu zeneko 40 urteurrena ospatuko da.

Garai ezezagun hauek baina, baliatu behar ditugu guztia berpentsatzeko. Gaurtik aurrera, nora, nola eta norekin joan nahi dugun erabakitzeko aukera paregabea dugu aurrean; probestu dezagun.
ALE alderdia osatzen dugun guztiok; euskaldunak, eskoziarrak, kortsikarrak, flandriarrak, kataluniarrak, frisiarrak, veneziarrak… badakigu “statu quoa” aldatu nahi izatea zer den, gure izaeraren baitan baitago. Gizarte hobeak nahi ditugu, jende zoriontsua herri askeetan bizi dadin. Eraldaketa gure DNAren parte da, hortik gure leloa; “Beste Europa bat; Herri guztien Europa”.

ALEko familia osatzen dugun nazio eta lurralde gehienak oraingo “Alarma egoerak” zuzenean jo duten fronteretan daude, estautek hartutako neurri ezberdinak kalte handiak eraginez gure herrigintza eta naziogintzari. Jada muga zauri bat bada askotan, oraingo egoerak zauria zabaldu besterik ez du egin.
Dena flexibilizatzen den garaiotan “geometria aldakorra” gureganatu behar dugu diskurtsoan, Europaren irudi kaleidoskopikoa zabalduko duena, lurraldeen arteko elkarlana bultzatuko duena, estatuen zurrunkeriatik haratago, interes berdinak defendatzen ditugun herriak bat eginik;

Pentsa zer nolako Europa eraiki dezakegun justizia sozialean, herrien arteko elkartasunean, feminismoan, ingurumenaren zaintzan, eta noski, herrien erabakitze eskubidean sinisten dugun herriok bat eginik? Orain dugu aukera Europa hori eraikitzeko, eta ALEko kide garen guztiok, horretan dihardugu, herri txikienetik eta Bruselaraino!