Eba Blanco de Angulo idazkari nagusiak EAErako eta Nafarroarako estatus politiko berri bat “lehenbailehen” adosteko beharra azpimarratu du. Alderdia sortu zela 39 urte gaur bete direla eta, 1986ko irailaren 4an hain zuzen ere, alderdiko agintari gorenak beste behin ohartarazi du Euskal Herriarentzat mehatxu atzerakoia dela ultraeskuinaren agenda politikoa ezartzea. “Madrilgo gobernuak Estatua plurinazionala dela eta, beraz, nazio bat garela politikoki onartzea ultraeskuinaren aurkako euste-hormarik eraginkorrena da. Hauteskundeetako emaitzek erakusten duten bezala, hemen ultraeskuinaren pozoia ez da hainbeste sartzen. Komunitate gisa kohesionatuago egotea eragiten duten beste balio batzuk ditugulako gertatzen da hori, baina kontuz, aurrera egin behar dugu, denbora gure kontra baitoa”.

Blancok onartu du PSOEren azken ustelkeria kasuak beste oztopo bat direla esparru politiko berri baterako bide korapilatsuan, “baina Kataluniak frogatu zuen aldebakarreko bidea ez zela bideragarria” eta, beraz, Pedro Sanchezen alderdiarekin negoziatzea baino ez dagoela. “Berez, La Moncloatik lortu gabe dauden transferentziak jasotzea, hala nola, gizarte segurantza, langabeziagatiko prestazioa, eta aireportuen kudeaketa ondo dago, Estatuak 46 urte baitaramatza Gernikako Estatutua urratzen. Kontua da oso berandu eta gaizki iristen dela. Espainiako Estatua nabarmen porrot egin duen egituraketa politikoa da, eta ez ditu inondik inora euskal herritar gehienon espektatiba politiko eta sozialak betetzen”, azaldu du. “Hala, herri honetako indar demokratiko guztiei dei egiten diegu 2026ra arte geratzen diren lau hilabete hauetan, estatus berri baterantz aurrera egitea ahalbidetuko digun minimoen akordio bat bila dezagun”.

Euskal nazionalismoak XXI. mendean izan duen indarrari buruz, Blancok mezu argia zabaldu du: “guretzat abertzale izatea ez da ideal erromantiko bat. Abertzale gara bidegabekeria politiko eta sozialak abolitzeko. Euskal nazionalismoaren kasuan, 2025ean, abertzaletasuna eta demokrazia eta giza eskubideen errespetua gauza bera dira, eta ez dugu ulertzen batzuek gauza bat besteari baino lehentasun handiagoa ematea. Gu beti egongo gara historiaren alde zuzenean, adibidez atzo Bilboko kaleetan gertatu zen bezala, La Vuelta pasatzerakoan Palestinako herriaren genozidioa munduaren aurrean ozen salatuz”.

Memoria demokratikoari buruz, zera esan du: “Lauaxeta fusilatu zuen ideologia Txiki eta Otaegi fusilatu zituen bera da. Gaur egun nazio gisa ditugun eskubideak ukatzen jarraitzen duen ideologia bera. Are gehiago, batzuen eta besteen arteko konparazioak egiten dituztenek, ederki dakite ideologia hori indar handia hartzen ari dela. Abertzaleen artean, gaiaren erroan adostasuna egon beharko litzateke gure historiaren puntu honetan”, adierazi du idazkari nagusiak.

Era berean, herritarren segurtasuna ikuspegi demokratiko orokor batetik hartu du hizpide Blancok. “Arduragabekeria ikaragarria da delinkuentzia eta immigrazioa lotzea, ultraeskuinaren marko maltzur eta piromanoan erortzea baitakar. Hala ere, horrek ez du esan nahi herritarren segurtasunaren eztabaida baztertu behar denik, polizia-eredua barne, argi baitago herritarren zerbitzura dagoen gertuko polizia batetik desbideratuta dagoela”.

Juanjo Agirrezabala ha solicitado la comparecencia del director general de EITB, Alberto Surio, en la Comisión de Control de EITB del Parlamento para que dé cuenta de los motivos para la apertura de sendos expedientes disciplinarios contra al menos dos periodistas de Euskal Telebista.

El parlamentario de EA considera alarmante la situación por la que atraviesa la redacción de informativos de ETB desde que el equipo encabezado por Surio asumió la dirección de EITB, y es en ese contexto donde sitúa la polémica surgida ahora con motivo de la apertura de expedientes disciplinarios contra dos periodistas del área de Informativos, en un caso, por negarse a asumir la autoría de un texto que trataba de imponer el jefe de Política y, en otro, por informar al conjunto de la redacción de la nota de protesta enviada al propio director general de EITB.

Para Agirrezabala, la actuación de la dirección de EITB “es grave e insólita porque supone la vulneración de principios básicos en un medio de comunicación, y más aún en un medio público, como es, entre otros, el derecho a la libertad de expresión. Estas actuaciones y presiones dan a entender que la dirección de EITB pretende que la redacción de ETB deje de lado criterios profesionales y deontológicos y asuma otro tipo de criterios más cercanos al interés político partidista que al propio periodismo”.

Jatorria: Eusko Alkartasuna

Carlos Garaikoetxea lehendakaria izan da Arantzazuko ekitaldian parte hartu duen Eusko Alkartasunako ordezkaritzaren buru. Bertan egon dira baita ere Batzorde Eragile Nazionaleko partaide diren Ikerne Badiola, Rafa Larreina, Iñaki Agirrezabalaga eta Fernando Velasco, baita Koldo Amezketa presidenteorde izandakoa ere, eta izen handiko militanteak, hala nola Nestor Basterretxea eskultorea.  

Helburu politiko argiarekin hasitako auzia berriro ere salatu eta auzipetuei babesa adierazteko bildu dira guztiak Arantzazun. 

Jatorria: Eusko Alkartasuna

Eusko Alkartasunako Komunikazio idazkari Mikel Irujok Gara egunkariak pairatu duen espioitza kasua salatu eta honek Estatuko Segurtasun Indarrak, Barne Ministerioa eta Gobernu espainol osoa agerian utzi dituela adierazi du, Garak Iruñean duen egoitzan Poliziak entzuketa telefonikoak egiten jardun duela jakin ostean. Irujoren esanetan, “espioitza kasua agerikoa da eta hori Zigor Kodeak delitutzat jotzen du; gainera, edozein Zuzenbide Estatutan oinarrizkoa den eskubide baten aurkako atentatu larria da, prentsa eta komunikazio askatasunaren aurkakoa, hain zuzen ere, eta horrek are arbuiagarriago egiten du. Espainiar Estatuak bere gabezia demokratikoak agerian utzi ditu horrela”.

Hau ez da Euskal Herrian ezagutzen den espioitza kasu bakarra eta Eusko Alkartasunak berak ere legez kontrako entzuketak pairatu ditu, gogorarazi du Mikel Irujok, bai eta Estatuko estoldetan mugitzen diren polizia-aparatuek inolako zigorrik jaso gabe jokatzen dutela salatu ere.

Gertaturikoak duen larritasuna ikusita, Eusko Alkartasunak beharrezko tramiteak egingo ditu Alfredo Perez Rubalcaba Barne ministroak berehala Kongresuan entzuketa telefoniko hauei buruzko azalpenak eman ditzan eta, demokrazian funtsezkoak diren eskubideen urraketa hau dela-eta, berari dagozkion erantzukizunak bere gain har ditzan.

Halaber, eurodiputatua ere baden neurrian, Mikel Irujok Europar Batasuneko erakundeetara ere eramango du espioitza kasu honen salaketa eta oinarrizko eskubideen urraketa Europako Legebiltzarrean salatuko du.

Eusko Alkartasunak ‘Prentsa askatasuna Euskal Herrian’ izenburuko txostena aurkeztu zuen duela hilabete bat eta ordezkari politikoek eta komunikabideetako profesionalek osaturiko behatoki bat sortzearen alde agertu zen, behatoki horrek hedabideek euren lana egiteko dituzten baldintzak eta testuingurua aztertu eta horren inguruko txostenak egin ditzan.

Jatorria: Eusko Alkartasuna