Herritarren parte-hartzea eskatu du Jon Lezak, EH Bilduko batzarkideak epai judizialaren arabera Arabako Aldundiaren esku geratu den Gasteiz-Bilbo linearen lizitazio proiektua prestatzeko prozesuan.
Udalek, Aiaraldeko eta Gorbeialdeko koadrilek eta herritarrek parte hartuko duten parte-hartze prozesuaren beharra azpimarratu du Lezak. “Bizkaiko Aldundiak 50 urtez kudeatu duen zerbitzua eta orain Arabara pasatu dena hobetzeko benetako aukera dagoenean jendartea eta erakundeen parte hartzea beharrezkoa da”, adierazi du.
Lineak Gorbeialdean eta Aiaraldean bizi diren pertsonei zerbitzua ematea eta Loiuko eta Forondako aireportuetara iristea defendatu du prokuradoreak.
Diskurtsoen arabera akordioa aurreikusi den arren, Gobernuko taldeen –EAJ eta PSE- errodiloak edonolako konpromisoa eskatzen duen testua onartzea saihestu du.
